Desde 1 di mei no mester paga pa remedinan mas

ORANJESTAD - Den su discurso nacional diabierna 30 di april anochi, Prome Minister Evelyn Wever-Croes cu e maneho di “positieve lijst” ta keda elimina.

Entrante 1 mei 2021 no mester paga pa remedi mas.Un di e retonan aki sigur ta e condicion cu Hulanda a pone pa corta 5 miyon den gasto di AZV tur luna. Gobierno di Aruba no ta acepta e condicion ey y p’esey a institui un comision nacional di e sector medico, pa bin cu un proposicion con por baha gastonan medico na forma responsabel. Mientras cu e comision aki ta deliberando, Gobierno no ta corta 5 miyon tur luna pero un suma mas abou. Como Gobierno a purba di tur forma pa convence Hulanda cu corta 5 miyon tur luna no ta posibel. Sinembargo Hulanda ta keda para riba e condicion cu MESTER corta 5 miyon tur luna, 60 miyon pa aña, sino Aruba no ta haya e sosten di likides pa paga pa cuido di salud, siguridad, enseñansa na Aruba of pa subsidio di salario.  

Un otro reto grandi ta e cambio den maneho di AZV cu desde 1 di april ta cobra pa cierto remedinan, e asina yama “positieve lijst”. Gobierno a wordo acerca pa hopi persona, cu ta biba di bijstand of Fase, of pensioen,pa cua motibo tambe Conseho di Minister a tuma e decision di cambia e maneho aki y pueblo no mester paga pa e remedinan aki mas.

Pues entrante 1 di mei, 2021, e maneho di “positieve lijst” ta keda elimina y e situacion ta bira mescos cu e tabata prome cu 1 di april: cu no mester paga pa e remedinan aki.  

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options