Departamento di Salud Publico lo no acepta placa cash mas

ORANJESTAD - Hibando un maneho pa reduci e transmision di COVID-19 Departamento di Salud Publico (DVG) ta informa cu nan lo no tuma placa cash mas pa su servicionan.

Departamento di Salud Publico ta duna diferente servicio na comunidad, entre otro vacuna pa biahero, aplicacion of renobacion di certificado di salud (carchi berde) y mas.

Den pasado por a paga pa tur e servicionan aki cu placa cash of via carchi di swipe. Pa motibo di COVID-19 nos maneho a conoce diferente cambio y uno di nan ta encera cu clientenan lo no por paga mas cu placa cash. Pago di tur servicio mester sosode pa medio di carchi of swipe pa di e manera aki limita e intercambio di placa cash y e risco di transmision di COVID-19

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options