Departamento di Salud a yega na final di VacunaTHON Edicion Hubenil

ORANJESTAD – Riba 10 di juli Vacunathon edicion hubenil, organisa pa Departamento di Salud, a tuma luga.

Vacunathon edicion hubenil riba 10 juli 2021 - 19.1 % vacuna.Te cu 4pm a logra un total di 1,781 persona di 12 pa 17 aña vacuna. Asina ta yega na un 19.1% di e segmento aki cu a haya nan vacuna.

Pa nos stroba e virus di sigui plama bou di e diferente gruponan di edad den nos comunidad, ta importante pa nos sigui vacuna mas hopi cuidadano posibel dentro di e diferente gruponan di edad.

Porcentahe segmento vacuna.Dia pa dia nos ta mas cerca di logra e inmunidad colectivo desea.

Te cu awo, e grupo di 12-17aña tin 19.1% vacuna, esun di 18-59 tin 67.6 y esun di riba 60 tin 73.1% vacuna.

Aruba: sigui vacuna pa nos por progresa. Corda cu vacuna ta un acto di solidaridad y reponsabilidad conhunto. Niun por keda atras!

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options