Departamento di Rijbewijs ta habri bek 1 juni 2020

Dit item is gearchiveerd op 02-07-2020.

ORANJESTAD - Cuerpo Policial Aruba ta informa cu desde 1 juni 2020 su departamento di rijbewijs lo ta den funcionamento bek.

Teniendo cuenta cu e normal nobo , nos kier a informa lo siguiente.

Prome lo contacta e candidatonan cu tabata tin fecha pa un examen teoretico, prome cu e  COVID-19    y duna un fecha nobo pa cu esaki. Pa loke ta trata e examen practico fecha y tambe e reglanan nobo lo wordo comunica despues. Tene  cuenta  cu  pa  inscripcion  pa  cu  fecha  nobo  pa  examen rijbewijs, renobacion, echtheidsverklaring   y   tur   otro   servicio   pa   cu   e   departamento   aki, lo  mester  haci   esaki di e siguiente manera:
 
Edificio Bureau Rijbewijzen en RijexamenMester manda un e-mail na ber@kparuba.com.
Personanan cu mester sigui e curso di teoretico (rijvaardigheidscursus ora cu e rijbewijs a caduca mas cu 1 aña), mester aplica via e-mail pa asina bin paga pa e curso. Despues di e pago haci lo haya un fecha pa cu e curso.

Den e mail bo ta specifica cua ta e servicio cu bo ta desea di haci, p.e. inscripcion pa examen rijbewijs, her-examen, renobacion etc. Bo ta pone bo informacion personal completo y un number di telefon nan unda por tuma contacto cu bo persona. Den bo respuesta cu bo persona haya bek via e e-mail lo tin poni tur e rekisitonan cu mester trece y cumpli cune.

Si tin cualkier pregunta por yama e departamento di rijbewijs libremente, di dialuna pa diabierna di
mainta 08:00- 12:00 y merdia di 01:00-04:00 di atardi, na nr di telefoon 5854710. Ta atende na e oficina solamente hende cu cita haci via e-mail. Esaki ta pa evita aglomeracion y tambe pa cumpli cu e reglanan di distancia social.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options