Departamento di Registro Civil y Censo den cooperacion estrecho cu Aruba Bank Y Caribbean Mercantile Bank ta lansa proyecto piloto pa brinda solucion digital na cliente bancario pa cu papel di Afl 5,0

Dit item is gearchiveerd op 22-01-2021.

ORANJESTAD - Aproximadamente 12000 cliente mensualmente ta bishita Registro Civil y Censo of un di e oficinanan auxiliar di Gobierno (HBK), pa busca un "documento oficial di prueba di residencia" miho conoci como e "Papel di cinco florín".

Un di e gruponan mas grandi den esaki ta e grupo cu mester esaki pa Banco. Registro Civil y Censo den esfuerso pa haci e proceso pa obtene di e documento aki mas facil y pa mehora e experiencia di e cliente, a lidera un esfuerso di innovacion den cooperacion estrecho cu e banconan cu a opta pa haci esaki.

Pa garantisa privacidad y seguridad di e datonan di su clientenan, Censo, Aruba Bank y Caribbean Mercantile Bank a culmina e esfuerso exitosamente y ta programa pa start sali cu e iniciativa oficialmente dia 21 december 2020. Riba e fecha aki tur cliente di Aruba Bank y Caribbean Mercantile Bank lo tin e opcion di duna autorisacion na nan banco pa asina banco mes por consulta esaki digital y haya e informacion cu tin riba e documento di cinco (5) florin, pues sin cu e cliente tin nodi di bay Censo of HBK mas.

E banconan ariba menciona lo guia nan clientenan e manera con e proceso aki ta. Censo y su team ta expresa satisfacion cu e resultado di e colaboracion cu Aruba Bank y Caribbean Mercantile Bank y ta satisfecho cu awor miles di cliente tin un opcion digital. Esaki ta un iniciativa mas y semper unda cu por, lo sigui digitalisa e procesonan y  proceduranan pa yuda mehora e experiencia general di e cliente.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options