Departamento di Asunto Social su servicionan Pariba di Brug

E servicionan di DAS na su oficina situa na San Nicolaas ta pa clientenan existente of nobo sea pa Bijstand, Guia Social, Bida & Famia y/of Abogado Liber. Tur cliente cu ta biba Pariba di brug lo mester acudi na e oficina na San Nicolas.

Servicio di bijstand

Tur cliente existente of cliente nobo cu mester di cualkier servicio y/of ayudo pa loke ta trata tur cos cu tin di haber cu bijstand, cuminsando for di informacion/pregunta, aplicacion, cita y/of entrega di rekisito.

Tur persona cu ta biba pariba di brug por haci esaki libremente na DAS su oficina situa na San Nicolas.

Servicio di Guia Social

Cliente existente of cliente nobo cu ta desea ayudo pa problemanan psico-social, relacional y problemanan cu ta encera educacion pa cu mucha/hoben, por ricibi guia di un trahador social of un trahador pa hubentud na DAS su oficina situa na San Nicolaas.

Pa pregunta of informacion riba e tereno social cu ta encera sea un mucha/hoben, adulto of anciano, por tuma contacto libremente cu e seccion na telefon 528-1140 of 528-1130.

Servicio di Bida & Famia

Na DAS su oficina situa na San Nicolaas tin un psicologo presente pa esnan di pariba di brug cu mester di un guia psicologico.

Pa mas informacion encuanto esaki por tuma contacto libremente cu e seccion Bida & Famia na telefoon 528-1150.

Servicio Abogado Liber

Pa tur cliente existente of nobo cu mester di ayudo huridico for di un abogado liber por acudi na DAS su oficina situa na San Nicolaas. Pero tuma bon nota cu e servicio aki ta bay solamente a base di cita.

Pa mas informacion tocante esaki por yama libremente na telefoon 528-1179 of 528-1128.

Number di telefoon central di nos oficina na San Nicolaas:

OPC San Nicolas

Edificio di ex Centro Medico

Bernhardstraat 75

Tel:  528-1130

Fax: 584-1639