Departamento di Aduana ta informa di e maneho nobo di Inspectie Volksgezondheid Aruba en conexion cu importacion di suplemento y/of remedi pa uzo propio

E maneho aki ta indica cu cierto suplemento y remedi tin autorisacion pa importacion sin tin mester di un permiso for di Inspectie Volksgezondheid Aruba. Pa remedinan y/of suplementonan (‘zelfstandigheid’) den forma di suministracion farmaceutico manera tablet, inyeccion, polvo, ampullen, suspension, azeta, crema, zalf, y ‘zelfstandigheden’ pa uzo propio y pa animal cu no ta para riba e lista, mester obtene un permiso di importacion.

Pa obtene permiso di importacion mester manda e siguiente documentonan na ivg@iva.aw

Documentonan:

1. Un peticion pa permiso di importacion yena (documento di Douane) hunto cu e bill of lading of e formulario di Douane Luchthaven Reizigers.
2. Un declaracion yena pa uzo propio for di Inspectie Volksgezondheid Aruba (mester wordo inclui adhunto).
3. Un copia di forma di identificacion (paspoort of rijbewijs) di e individual cu ta importa e ‘zelfstandigheden’.
4. Un copia di e factura di e ‘zelfstandigheden’.
5. Si ta aplicabel, un copia di e verpakking di e ‘zelfstandigheden’.

Adhunto por haya e lista di remedinan y/of suplementonan cu no ta rekeri permiso di importacion:  

• Lijst positieve lijst supplementen.

Siguientemente por haya e formulario di declaracion pa uzo propio di Inspectie Volksgezondheid Aruba:

• Verklaringsformulier geneesmiddelen  

Pa mas informacion of pregunta por tuma contacto cu Inspectie Volksgezondheid na 526-2160 of ivg@iva.aw como tambe Departamento di Aduana na 523-8888 of info@douane.aw.