Den luna di september a baha di 1630 pa 677 caso activo di COVID-19

ORANJESTAD - Durante un discurso nacional diadomingo anochi 4 di october 2020, Premier Evelyn Wever-Croes a elabora riba e desaroyo di Covid-19 na Aruba.

Na comienso di september Aruba tabata tin 1237 caso activo, dia 16 di september el a piek te na 1630, y dia 31 di september tabata 677 caso activo. Awor e cantidad di casonan activo ta bou di 500.

Sea responsabel!Strategia di crisis team aruba

A bin cu mas medida, medidanan mas specifico y mas estricto. Por ehempel a hala e orario di toque de queda pa mas trempan, 10.00 pm y a pone uzo obligatorio di tapaboca den tur establecimento y oficina. No ta tur medida tabata facil, especialmente no riba nivel individual pa tur negoshi, y hasta tabata tin protesta di algun doño di restaurant, pero por mira awor cu e medidanan tabata necesario den interes general. Y awe por mira e resultadonan positivo, cu e cantidad di caso activo a baha di 1600 pa menos di 500 den apenas dos pa tres siman. Esey ta pone tambe cu awor Crisis Team ta reevaluando si e medidanan aki mester keda manera cu nan ta, of si por flexibilisa, y con por flexibilisa.

Sigui proteha bo mes y otronan contra di COVID-19Tambe Crisis Team a intensiva e controlnan di cuarentena y isolacion. A pidi tur hefe di departamento den gobierno pa yuda y asigna algun empleado publico y algun auto di servicio pa e taskforce di cuarentena y isolacion wordo amplia sin mester busca personal pafo di gobierno y sin mester lease mas auto. Pues pa mantene e gastonan abou. Esnan den isolacion y cuarentena ta haya mas control, y mas atencion individual, y esaki tambe a contribui na e desaroyo positivo cu e cantidad di caso activo a baha di 1600 pa menos di 500 den e ultimo simannan.

Considerando e bahada di casonan positivo pa dia y tambe e cantidad di casonan activo. Crisis Team di Gobierno a tuma e decision pa ahusta e orario di Toque de Queda bek na con e tawata 3 siman pasa, esta di 12 or di madruga pa 5 or di mainta. Esaki lo drenta na vigor diaranson, 7 di october pa 12 or di marduga. Pues pa tur hende compronde bon: durante e anochi di diamars crusando pa diaranson mainta. E orario di ciere pa establecimentonan tambe ta wordo hala bek na e orario cu e tawata ta 3 siman pasa esta 11or di anochi y lo drenta na vigor diaranson anochi.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options