Den luna di october 2021 Aruba a recupera 88% di nos turismo compara cu october 2019

ORANJESTAD – Segun datonan ricibi for di Aruba Tourism Authority, Aruba a recupera 88% di turismo den luna di october 2021 compara cu october 2019.

E mercado Mericano a recupera cu 94% den luna di october 2021, compara cu october 2019. E recuperacion di e mercado Mericano ta uno hopi fuerte y danki na esaki nos ta mira con economia tambe ta creciendo.

E recuperacion aki ta bayendo mihor cu locual a proyecta na comienso di aña.

Segun proyeccionnan ricibi for di ATA, aña 2022 ta mustra positivo pa Aruba su turismo. Si nos sigui ariba e bon caminda aki, nos lo surpasa e 100% recuperacion compara cu aña 2019. Ta keda uza aña 2019 como referencia, door cu e tawata un di e añanan mas mihor den historia di Aruba su turismo.

No obstante tur e retonan, specialmente e pandemia di Covid-19, nos isla a sa di recupera hopi lihe, haciendo Aruba e isla den Caribe cu ta recuperando mas lihe. Recuperacion di nos tursimo lo yuda Aruba su economia, incluyendo creacion di mas cupo di trabou.

Aruba su recuperacion ta debi na e esfuersonan conhunto di Ministerio di Turismo,partners manera ATA, AAA, APA & AHATA y comunidad en general.

Recuperacion - Yegada di pasahero pa luna na 2021 compara cu 2019.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options