Den e prome 6 luna Aruba a recupera 92% di su turismo compara cu aña 2019

ORANJESTAD – Riba 1 di augustus 2022, Minister di Turismo y Salud Publico Dangui Oduber a informa cu den prome 6 lunanan di Aruba su turismo a recupera  92% compara cu 2019.

Yegada pasahero te cu juni 2022.Si no ta pa e luna di januari cu Aruba a sinti e efectonan di e variante di Omicron, ya caba Aruba lo a yega e nivelnan di aña 2019 cu tabata un aña record pa Aruba su turismo. Aruba ta conociendo un recuperacion excepcional y entre e mihornan di henter mundo. E cifra averahe di recuperacion mundial ta 46% y e cifra averahe di recuperacion den nos parti di mundo ta 60%.

Porcentahe recuperacion januari 2021–juni 2022.Den e ultimo 3 raportahe mensual di ATA a keda demostra cu Aruba durante e ultimo 3 luna consecutivo (april 108%, mei 103%, juni 103%), Aruba su recuperacion ta surpasando esun di aña 2019. E raportahe di e cifranan di luna di juli ainda no ta conoci pero ta premira cu esaki tambe lo surpasa e cifranan di juli di 2019. 

Segun IMF Aruba ta e di 2 pais na mundo cu e mihor recuperacion di su turismo.

Porcentahe yegada pasahero international di 2020, 2022 y  jan – mei 2022.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options