Delegacion di PAHO/WHO Trinidad & Tobago na Aruba

E delegacion a consisti di Dr. Wheeler, cu ta representante di PAHO/WHO, Dr. Malcolm cu ta consehero di PAHO riba tereno di Non Communicable Diseases, Mr. Jean Claude Paraison y Ms. Nicola Taylor kende ta Program Management Specialist di Aruba, Curacao, Sint Maarten, Bonaire, Sint Eustatius y Saba.

Den colaboracion y bou guia di e delegacion a ehecuta un ehercicio yama un “Hanlon prioritization”  hunto cu hefenan di diferente servicionan y esnan encarga cu maneho di salubridad publico. E ehejercicio di Hanlon ta un methodologia scientificamente prueba y uza door di paisnan miembro di PAHO pa por identifica puntonan di prioridad riba tereno di salubridad. Lo encorpora e puntonan di prioridad cu a sali di e ehercicio den e plan strategico di “PAHO 2020-2025”. Tambe e lista di prioridad aki lo forma e base pa fiha maneho riba termino corto pa desaroya e “Biennial Work Plan 2020-2021” entre PAHO y Departamento di Salud Publico di Aruba.  

Mirando e posibel peligernan pa cu salubridad den nos region. PAHO su experciencia y conocimento di e necesidadnan regional ta importante. E contacto directo entre PAHO cu expertonan di Departamento di Salud Publico ta esencial pa asina hunto sigui mehora e sistema di salud na Aruba y ta crea synergia entre instancianan di Salud den region.