E training ta den cuadro di e fondonan cu gobierno di Hulanda pone disponibel pa resfuerso di e fronteranan di Aruba relaciona cu e crisis na Venezuela. Un delegacion di Dienst Terugkeer en Vertrek di e Ministerio di Husticia y Siguridad di Hulanda a haci un prome bishita riba 9 y 10 di september 2019 na Aruba relaciona cu e concepto di Hostmanship.
E delegacion a bishita Minister di Husticia, Siguridad y Integracion mr. Andin Bikker y tambe a bishita departamentonan cu ta bay di su ministerio, manera Instituto Alarma y Siguridad Aruba (IASA), Guarda nos Costa, Departamento di Integracion, Maneho y Admision di Strahero (DIMAS), Cuerpo Policial y Korrectie Instituut KIA.
E training di Hostmanship ta un curso cu ta contribui y aporta na stimula cambio(nan) den e cultura di (e) organisacion(nan) pa duna servicio cu cortesia.
E training lo ekipa e hendenan cu conocemento y tacticanan con pa trata cliente – sea cu ta un cliente interno of externo – den e proceso di interaccion, comunicacion y /of brinda servicio durante di proceso(nan) pa cual e organisacion ta responsabel.
Lo duna y prepara e trainer local (selecta) cu material di les, unda nan na nan turno lo mester por traspasa e tacticanan, conocemento na demas coleganan formando parti di e organisacion y asina logra un nivel mas halto den comunicacion y alcansa un nivel mas halto di servicio cu cortesia.
Pais Aruba a haya 12 cupo pa 12 trainer local ser prepara pa por facilita e curso di Hostmanship.
Share this page