HomeActualidadNoticiaDecreto gubernamental 1 december 2019 tocante atake cibernetico na dr. Horacio e. Oduber hospital prolonga cu 3 dia mas

Decreto gubernamental 1 december 2019 tocante atake cibernetico na dr. Horacio e. Oduber hospital prolonga cu 3 dia mas

Dit item is gearchiveerd op 04-01-2020.

ORANJESAD – e Team di Maneho di Calamidad Nacional ta informa cu e crisis cibernetico na Horacio E. Oduber Hospital a drenta su di dos siman di cual pa e ultimo 6 dia a maneh’e conforme loke ley ta prescribi pa medio di un decreto gubernamental.

Atake cybernetico Hospital dr. Horacio Oduber Team di Maneho di Calamidad Nacional despues di a evalua e situacion a conseha Minister President Evelyn Wever Croes cu ta recomendabel pa mantene e maneho di e crisis cibernetico di Dr. Horacio E. Oduber Hospital por medio di prolongacion di e decreto gubernamental conforme e ley di Calamidad, pa e siguiente 72 ora.

E decreto gubernamental ta duna e Team di Calamidad Nacional e espacio necesario conforme ley pa mantene e crisis conteni y haci e adaptacionnan necesario pa loke ta trata e obhetivonan y maneho di e crisis.

Minister President Evelyn Wever Croes mes momento ta sigura cu e salud di pashent y salubridad publico ta garantisa pa Hospital y Aruba.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options