Decisionnan tuma pa Gobierno relaciona cu e crisis di Coronavirus COVID-19

Pa e ultimo update tocante coronavirus pandemia, consulta e website www.arubacovid19.org di Departamento di Salud Publico.

ORANJESTAD - Relaciona cu e crisis di Coronavirus COVID-19 Gobierno di Aruba a tuma e siguiente decisionnan:

  • Entrante 7 di october 2020 toque de queda ta na vigor di 12'or di anochi pa 5'or di mainta.
  • Entrante 7 di october 2020 orario di ciere ta bira 11'or di anochi.
  • Entrante 18 di september 2020 toque de queda awor lo ta di 10'or di anochi pa 5'or di mainta.
  • Entrante 18 di september 2020 orario di ciere ta bira 9'or di anochi.
  • Entrante 18 di september 2020 fiesta familiar na cas no ta permiti.
  • Entrante 16 di september 2020 uzo di tapa boca ta bira obligatorio pa tur persona den interior di cualkier localidad.
  • Entrante 10 di september 2020 a redobla e personal di Task Force nan cu ta haci control riba esnan den cuarentena y isolacion, y multa di 1000 florin tambe lo ser duna na esnan cu no ta cumpli cu reglanan. 
  • Entrante 28 di augustus 2020 toque de queda ta na vigor di 12'or di anochi pa 5'or di mainta.
  • Entrante 28 di augustus 2020 tin cu evita aglomeracion na trabou.
  • Entrante 28 di augustus 2020 tin cu evita bishita familiar y fiesta familiar di mas di 4 hende.
  • Entrante 7 di augustus 2020 bar, clubnan nocturno y rumshop mester ta cera.
  • Entrante 7 di augustus 2020 no ta permiti pa organisa fiesta familiar na cas.
  • Entrante 7 di augustus 2020 mondmasker ta bira obligatorio den tur espacio interior y den transporte publico.
  • Entrante 7 di augustus 2020 entiero ta permiti solamente 25 hende y sigui protocol.
  • Entrante 7 di augustus 2020 misanan tin cu sigui protocol, y no ta permiti cantamento.
  • Entrante 7 di augustus 2020 a stop bishita y ingreso na casnan di cuido (anciano).
  • Entrante 4 di augustus 2020 mesanan den restaurantnan no por sinta mas cu 4 persona, excluyendo mucha bou 12 aña.
  • Entrante 4 di augustus 2020 bar (toonbank) den localidadnan no por duna servicio, dus no por tin stul na e bar pa sinta.
  • Entrante 4 di augustus 2020 no por tin actividad musical sea live of DJ.
  • Entrante 4 di augustus 2020 deporte paden den grupo mester para.
  • Entrante 4 di augustus 2020 deporte di contacto paden mester para.
  • Entrante 4 di augustus 2020 deporte di contacto den aire liber mester para.
  • Entrante 4 di augustus 2020 samenscholing verbod ta bin na vigor bek,unda no mas cu 4 persona por ta hunto riba tereno publico.
  • Entrante 10 di juli 2020 ta habri frontera pa henter Merca.
  • Entrante 1 di juli 2020 lo habri frontera pa Europa, Canada y Caribe cu excepcion di Republica Dominicana y Haiti.
  • Entrante 15 di juni 2020 lo habri e “Bubble ABC” cual ta encera; Aruba, Boneiro y Corsow. Lo por biaha entre e islanan aki di Reino Hulandes den Caribe sin cu mester bay den cuarentena pero haciendo medische screening of test ora di yega.
  • Entrante 10 di juni 2020 centronan di fiesta por habri.
  • Entrante 10 di juni 2020 bar y club nocturno por habri (segun orario di ciere).
  • Entrante 10 di juni 2020 conferencianan y lugarnan di reunion por habri.
  • Entrante 10 di juni 2020 por haci deporte paden.
  • Entrante 10 di juni 2020 por bishita pa Cas di Cuido di nos grandinan, segun protocol.
  • Entrante 1 di juni 2020 luganan di Spa, Salon di Massage y Sauna por habri.
  • Entrante 1 di juni 2020 parti paden di restaurant por ta habri te cu 10'or di anochi.
  • Entrante 1 di juni 2020 e oficinanan di Lotto y di otro weganan por habri te cu 6'or y mei di atardi. Casinonan si ainda meser keda cera.
  • Entrante 28 di mei Toque de Queda ta ser kita, manera stipula den AB2020No.80.
  • Entrante 25 di ,mei 2020, toque de queda ta entre 12.00 am te cu 5.00am y orario di cierre di establecimento ta 10.00 pm segun AB2020No.78.
  • Riba 8 di mei 2020, Minister di Turismo, Salud Publico y Deporte, Sr. Dangui Oduber, a anuncia cu e frontera di Aruba lo habri tentativamente entre 15 di juni y 1 di juli, 2020.
  • Entrante 28 april 2020 adapta e toque de queda, pero e ta keda na vigor di 10 or di anochi te cu 5 or di mainta cu excepcion pa Botica na Warda y Hospital, conforme AB2020No.62.
  • Entrante 28 di april, 2020 e orario di ciere di establecimento a cambia pa 9.00 pm.
  • Ta extende e lockdown aereo te cu 31 di mei 2020, manera anuncia door di Prome Minister, mr. Evelyn Wever-Croes riba 20 di maart 2020. E-mail pa Arubianonan residente cu ta pega den exterior: RegresoAruba@crisis.aw.
  • E medidanan, conforme  AB2020 NO.52, ta keda na vigor te cu 28 di april 2020 manera anuncia door di Prome Minister mr. Evelyn Wever-Croes riba 15 di april 2020. 
  • Scolnan ta keda cera te cu 11 di mei 2020, manera anuncia riba 9 di april 2020 door di Minister di Enseñansa, dr. Armando (Rudy) Lampe. 
  • E-mail pa Arubianonan residente cu ta pega den exterior: RegresoAruba@crisis.aw.
  • Medidanan ta na vigor te cu 19 april 2020, segun AB2020No.46.
  • Entrante diadomingo 29 di maart un estado di Shelter in place ta drenta na vigor segun e AB2020No.43. Esaki ta encera cu hende ta prohibi pa sali di cas, si no ta pa cosnan esencial manera cumpra cuminda, bay botica, of pa haci ehercicio. Esaki medida aki ta aplica pa e gruponan no esencial. Adhunto e lista di e gruponan No esencial. Negoshinan cu ta ricibi cliente mester maneha nan clientela manteniendo distancia di 2 meter leu entre cada persona. Si no haci esaki gobierno por cera e negoshi y compania ta haya un multa. Tambe a decreta samenscholingsverbod, unda no ta permiti pa 4 hende of mas ta hunto riba caya, solamente si ta famia biba bou mesun dak.
  • Toque de queda ta keda na vigor di 9 or di anochi te cu 6 or di mainta cu excepcion pa Botica na Warda y Hospital, conforme AB2020No.39.
  • Scolnan lo ta cera entrante dialuna 16 di maart te cu 20 di april2020, despues lo evalua e situacion.  E medida tuma ta conta pa scol, creche y tur instancia cu ta encarga cu educacion y cuido di nos muchanan. Wak e carta di Minister di Enseñansa di 26 maart 2020.
  • Entrante 24 maart 2020 tur bar y restaurant mester ta cera. Unico excepcion ta pa take-out, drive thru y delivery di cuminda. Tur establecimento mester cera 8.00 pm. Pompnan  di gasoline por keda habri te cu 8 or di anochi.
  • Entrante 24 di maart 2020 ta prohibi pa bende lotto, catochi of otro sorto di loteria.
  • A tuma e decision cu tur residente pega den exterior y cu ta inscribi na registro civil (Censo) por regresa Aruba. Aruba Tourism Authority ta encarga cu coordinacion di nan regreso. Linea di contacto pa Arubianonan residente cu ta pega den exterior 569-6897, 5689251 of 5637928Na yegada lo pone e personanan den cuarentena pa 14 dia.
  • Entrante 21 di maart ta introduci un toque de queda (verplichte avondklok, curfew) for di 9'or di anochi te 6'or di mainta. Unico excepcion ta e trahadonan di instancianan vital. Nan tin cu haya un prueba di nan doño di trabou cu nan por mustra polis. Persona cu no cumpli cu e toque de queda por haya un multa di te cu AWG. 10.000,00. Por haya mas informacion den e AB2020No.38 di 20 maart 2020.
  • Entrante 19 di maart tur Casino y Teatro di pelicula y gym tin cu cera. Actividadnan deportivo den grupo tin cu stop di tuma lugar. Tur establecimento mester cera 8:00 PM. Esaki ta conta pa bar y restaurant di hotelnan tambe.Tin excepcion pa:botica na warda, restaurant solamente via drive tru  y delivery, nan por cera 10:00 PM. Pompnan di gasoline por keda habri te cu 10:00 PM sirbiendo via di bentana. Instancianan cu no cumpli e orara di cierre di tienda obligatoria por haya un boet te cu AWG. 1.000,00. Por haya mas informacion den AB2020No.35.
  • Scolnan lo ta cera entrante dialuna 16 di maart te cu 30 maart 2020, despues lo evalua e situacion.  E medida tuma ta conta pa scol, creche y tur instancia cu ta encarga cu educacion y cuido di nos muchanan.
  • A dicidi cu ta cancela tur actividad publico y tambe priva cu tin permiso di polis entrante 15 di maart 2020 te cu 31 di maart.
  • Entrante diasabra 21 di maart te cu 31 di maart 2020 no ta admiti residente na Aruba (update 19 di maart 2020). Mas informacion por haya den e AB2020No.36.  Ta restringui vuelonan for di tur pais entrante 17 di maart te cu 31 di maart 2020, cu excepcion di residentenan y carga. Linea di contacto pa Arubianonan residente cu ta pega den exterior 569-6897, 5689251 of 5637928. Por fabor, tene cuenta cu lo siguiente: Por tuma yamada regular of via WhatsApp – tambe por manda texto via WhatsApp; Mester ta residente (ingezetene ) inscribi den registro civil di Aruba; Aerolineanan Mericano ta exigi 2 tipo di ID – pa prueba cu un persona ta residente di Aruba (cedula); Aerolineanan di Latam no ta exigi esaki; Personanan dependiente di asuntonan di AZV, por fabor yama AZV pa regla regreso pa Aruba, y mustra bo kaarchi di AZV; Lamantablemente, na e momento aki, Venezuela ta full sera; no por move ciudadanonan f’or di e pais; nos ta conseha pa e personanan aki tuma contacto cu embahada Hulandes na Caracas.
  • Residentenan cu regresa Aruba desde diamars 17 di maart 2020 mester bay den cuarentena propio pa 2 siman.
  • Desde 14 di maart Aeropuerto Internacional Reina Beatrix a eleva su control riba buelonan procedente di paisnan cu no ta cay bou di e lista di restrincion, pa ser exacto paisnan Europeo,
  • Ta prohibi haci bishita na e casnan di cuido di nos grandinan.
  • Departamento di Gobierno lo traha a base di personal minimo. Lo duna servicio  na publico, lo evita aglomeracion (wak carta di Minister President mr. Eveln Wever-Croes).

Awor nos mester concentra pa contene y preveni cu e virus ta wordo transmiti. Nos ta pidi tu hende atención pa esaki.

E decisionnan aki a ser tuma despues di amplio deliberacion cu e comision di crisis di Gobierno di Aruba. Esnan di mas riesgo ta nos grandinan riba 60 aña e esnan cu ta sufri di malesa cronico.

PREVENCION

  • Laba man mas tanto posibel pa 20 seconde y uza habon of hand sanitizer.
  • Evita di bin den contacto cu otronan, saludo otro sin duna man, brasa of sunchi.
  • Y si un hende ta sinti malo. NO sali for di cas. Por yama gratuitamente 2800101 pa mas informacion.
  • Wak e video tocante con coronavirus ta plama di un hende pa otro
  • Wak e video di Departamento di Salud Publico con pa laba man na e forma corecto. 
  • Wak e video conoce e sintomanan di corona virus.
  • Wak e video pa mucha tocante coronavirus
  • Wak e video Isolatie vs Quarantaine met Sarah-Quita Offriga Stop di plam'e 
  • Wak e video fight the transmission of CoronaVirus  with Carl Roosberg- Galloway Jr. It starts with you

Edad di e gruponan afectaSexo (gender)

Sintomanan mas raporta den 33 di e 55 casonanOcupacion/ trabou pashent

Historia di biaheCaracteristiconan basico di e casonan - Tipo di caso

Ad coronavirus COVID-19

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options