Curso “Empresario Prepara I” cu ta cuminsa dia 12 april 2021

ORANJESTAD - Riba 12 april proximo Iniciativa pa Desaroyo di Empresa Arubano (Idea) ta presenta su curso “Empresario Prepara I”, organisa door di Departamento di Asuntonan Economico, Comercio y Industria.

Curso Empresario Prepara I ta cuminsa 12 april 2021Meta di e curso aki ta pa yuda nos clientenan con pa maneha nan negoshi of negoshi pa otro persona den un forma mas eficiente y manera debe ser.

E curso ta consisti di e siguiente topico nan:

  • Corporate Social Responsibility (Business & Human Rights)
  • Business Continuity Plan
  • Marketing
  • Business Plan
  • Business Law
  • Small Business Administration & Finance

Empresario Prepara lo cuminsa dia 12 april 2021 y ta consisti di 25 lesnan (dos biaha pa siman, teniendo cuenta cu e dianan liber den luna di april). E curso lo termina 12 juli 2021. Horario ta 7.00 pm pa 9.15 pm y pa e lesnan lo tin un schedule cu lo mester tene cuenta cune. E curso lo wordo duna riba e plataforma di ZOOM.

Curso “Empresario Prepara I” ta costa AWG. 375,-. Mester completa tur e fasenan pa por logra un certificado na final.

Pa e persona nan cu tin curso EP I caba y ta desea pa participa na e 2 topiconan nobo cual ta “Corporate Social Responsibility” y “Business Continuity Plan”, por haci esaki tambe na un prijs di AWG. 60,- pa tur 2 topico y lo ricibi un certificado si logra pasa e examen cu exito.

Criteria pa atende curso “Empresario Prepara I”:

  • Ta preferibel pa tin nivel di MAVO of equivalente. Diploma no ta necesario.
  • Mester tin conocemento di computer y di e plataforma ZOOM.
  • Conocemento basico di papiamento, hulandes y ingles ta necesario.

Pa informacion y inscripcion por yama oficina di IDEA na 521-2439/521-2440/521-2400 of por manda un email na L.croes@deaci.aw.

Tambe por like IDEA su Facebook pagina: Idea-Aruba

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options