Cuestionario online pa indica mesora si bo ta un caso potencial di COVID-19 of no!

Dit item is gearchiveerd op 23-04-2020.

ORANJESTAD - Directie Volksgezondheid (DVG) a introduci un cuestionario online riba nan plataforma di informacion tocante COVID-19.

Esaki pa facilita nan trabou como tambe pa duna e ciudadano e facilidad di yena e cuestionario pa su mes si e tin sintoma of duda si e por ta na risico di ta infecta cu e virus Corona. Por ta e caso cu e ciudadano a yama na e number 2800101 y no a logra haya comunicacion pa motibo cu e lineanan ta ocupa constantemente. E cuestionario online ta duna e ciudadano e oportunidad pa comunica mas lihe cu centro di diagnostico.

Por haya e cuestionario riba website www.arubacovid19.org. E meta di e cuestionario ta pa stop transmision di COVID-19 na Aruba. E cuestionario lo indica mesora si e persona ta un caso potencial of no. Na momento cu e persona ta un caso potencial, centro di diagnostico lo yam’e  y lo indic’e indica e pasonan cu lo mester tuma luga.

Ta pone enfasis pa tur ciudadano cu yena e cuestionario, pa yena esaki na un manera sincero dunando informacionnan corecto y evita pa su mes precupacionnan innecesario como tambe pa evita cu e centro di diagnostico bay over na yama e persona en cuestion mientras cu e persona no tin niun sintoma of no ta cay den risico di a wordo contagia cu e virus Corona.

cuestionario online pa indica mesora si bo ta un caso potencial do COVID-19 of no!

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options