Cuenta anual aña 2020 di Aruba Ports Authority a keda presenta

ORANJESTAD - Riba 25 di augustus 2021, director di Aruba Ports Authority, Sr. Marc Figaroa a entrega nan cuenta anual di aña 2020 na Minister di Turismo, Salubridad Publico y Deporte Sr. Dangui Oduber.

Riba 25 di augustus 2021, director di Aruba Ports Authority, Sr. Marc Figaroa a entrega nan cuenta anual di aña 2020 na Minister di Turismo, Salubridad Publico y Deporte Sr. Dangui Oduber. Minister Oduber a señala cu mescos cu e otro companianan estatal aña 2020 no tabata un aña facil pa APA. E pandemia a afecta entradanan di APA grandemente den aña 2020 pero apesar di tur cos APA a sa di maneha su gastonan responsabel y na e mihor forma posibel. Desde 13 di maart di aña 2020 APA no a ricibi ningun barco crucero na nos waf y e barco cruseronan aki ta forma parti instrumental di e entradanan cu APA ta genera. Tambe debi na e pandemia cruceronan a dicidi di cancela tur nan itenerarionan den aña 2020, ta te luna di juni di aña 2021 a ricibi e prome barco crucero bek pues esaki tabata tin consecuencia financiero severo pa APA.

No obstante cu tur e retonan cu aña 2020 a trece cune APA a realisa un Perdida di 1.4 miyon florin, esaki ta danki na e proactividad di APA pa mantene e gastonan abou.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options