Crisis Team y gobierno ta anuncia cu ta para tur fiesta di fin di aña y ta introduci reglanan mas estricto pa biaheronan

Esaki ta pa e organisadonan por tene cuenta na tempo cu e decision tuma, manera a keda palabra cu organisadornan.

Mirando cu e retonan e biaha aki no ta solamente local, sino tambe di biaheronan bishitando nos isla, ta anuncia lo siguiente:

REGLANAN PA CU BIAHE FOR DI PAISNAN RIESGO HALTO

• Biaheronan cu no ta residente y ta bin di paisnan di riesgo halto, mester test dentro di dos dia prome cu subi avion; pues no por test aki na Aruba mas. E regla aki lo drenta na vigor dia 27 di december proximo.

RESIDENTENAN

• Ta desconseha pa biaha pa paisnan di riesgo halto y hopi halto;
• segura bo mes cu bo ta full vacuna prome cu biaha;
• e posibilidad ta keda pa test na Aruba mes na regreso;
• haci antigen of self test 3 dia despues di yegada pa ta sigur cu bo no ta contagia.

CrisisTeam lo sigui monitor e situacion di cerca constantemente, pa asina por sigui ahusta e medidanan den caso cu bira necesario. Ta hasi un apelacion riba tur ciudadano pa cuida nan mes y otronan, pa asina hunto nos por supera e situacion di crisis aki.