Crisis Team ta informa riba algun cambio cu ta drenta na vigor entrante 5 februari 2021

ORANJESTAD  - Despues di basta deliberacion entre e diferente 'stakeholdernan' cu ta forma parti di e Team di maneho di Crisis, a yega na e desicion pa flexibilisa un poco algun di e medidanan di proteccion. 

Ultimo desaroyo coronavirus 5 di februari 2021E pandemia di COVID-19 no solamente a ocasiona un crisis di salud fisico, pero tambe crisis den salud mental, crisis economico, crisis di seguridad y mas, pa cual motibo na tur momento ta purba busca un balans entre e diferente sectornan den crisis.

E medidanan cu ta conoce cambio ta:

  • Toque de queda entrante diabierna  anochi. Toque de Queda ta cuminsa pa 12:00 di marduga y ta caba 5:00 di mainta.
  • Cambio di orario di ciere cu ta cambia di 10 or pa 11or pm.
  • Na restaurant por tin 4 hende na mesa paden y 6 hende pafo.
  • Samenscholingsverbod, ta amplia di max 2 pa max 4 persona

Please tuma nota cu e no tin cambio pa loke ta trata  "gebiedsverbod" riba parkeerplaats y beach entrante 7:00 pm. E medida aki ta keda vigente.

Ta recorda tur hende pa sigui tene distancia fisico di 1.5 meter, bisti tapaboca ora no por cumpli cu distancia di 1.5 meter y den interior di tur localidad y uza handsanitizer of laba man cu regularidad.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options