Crisis Team ta aclaria maneho nobo na frontera

ORANJESTAD-   Despues cu Crisis Team a informa riba locual ta e maneho nobo na frontera pa evita entrada masivo di e variante Delta, a tuma nota cu tin cierto confusion.

E maneho ta relaciona cu test pa esnan cu ta yega Aruba procdente di un pais di risico halto.

Pa aclaria esaki Crisis Team ta informa cu e maneho cu a wordo reintroduci na frontera no ta un maneho completamente nobo, pero ta e mesun maneho cu tawata tin caba. E maneho ta encera cu tur persona sea residente of turista cu ta yega Aruba mester provee un test negativo. E persona por provee e test 72 ora prome y upload esaki of e persona por test ora e yega Aruba. E diferencia ta cu es cu upload su test ta yega drenta Aruba sin restrincion, pero esnan cu ta test na Aruba mester bay su cas of hotel y warda den cuarentena pa su resultado di test. E resultado por dura maximo 24 ora. Despues cu e resultado di su test ta conoci, si e ta negativo e residente of turista por continua cu su necesidadnan. Si e resultado ta positivo e residente of turista ta keda isola y DVG hunto cu ATA ta percura pa e proceso aki.

Dus pa aclaria, no ta berdad cu un turista of residente na momento cu e drenta Aruba e mester bay den cuarentena 14 dia automaticamente, esaki no ta berdad. E maneho aki tawata wordo implementa caba y a cambia esaki algun siman atras pa facilita entrada di esnan vacuna na Aruba. Pero mirando e situacion alarmante cu e variante Delta ta ocasionando den otro paisnan. Aruba ta tuma e medidanan necesario pa salvaguardia salud di su comunidad y di su economia y ta reintroduci e maneho cu ya tabata vigente caba.

Paisnan cu ta wordo considera di risico ta halto ta:

Seychelles

Cyprus

Fiji

Mongolia

Tunesia

Namibia

United Kingdom

Colombia

Cuba

Kuwait

Argentina

Spain

Botswana

South Africa

Netherlands

Oman

Georgia

Costa Rica

Portugal

Malaysia

Panama

Suriname

Andorra

Brasil

Maldives

Kyrgystan

Iran

Iraq

Luxembourg

Lybia

Paraguay

Greece

Uruguay

Russia

Kazakhstan

Malta

United Arab Emirates

Chile

Saint Kitts & Nevis

Monaco

Indonesia

Zimbabwe

Guatemala

Bahamas

Trinidad & Tobago

Ireland

Denmark

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options