Corsou ta baha for di e lista di paisnan di risico halto

ORANJESTAD -   Entrante diadomingo 7 di november a kita Corsou for di riba e lista di paisnan cu ta considera di risico halto pa Aruba.

E cambio aki significa cu residente di Aruba y Corsou cu ta biahando for di Corsou pa Aruba no mester presenta un test di COVID-19 negativo mas pa drenta Aruba si nan ta vacuna. Es cu NO ta vacuna SI mester sigui presenta un test di COVID-19 negativo pa drenta Aruba si ta biahando for di Corsou pa Aruba.

Durante e proceso di yena e ED Card online e pasahero lo tin e posibilidad di upload su certificado di vacunacion of su test di COVID negativo.

Corsou

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options