Corporate Governance Code ta un pilar di integridad pa entidadnan di gobierno

ORANJESTAD - Minister President Evelyn Wever-Croes ta informa cu e documento cu yama Nul Meting Corporate Governance, ta disponibel online.

Ministerio di Integridad ta cay bou Minister President Evelyn Wever-Croes y ta basa riba tres pilar; Bureau Integriteit, Integriteitskamer, y Corporate Governance Code.

Nul-meting” corporate governanceGobierno a institui Bureau Integriteit na 2018 y ta preparando pa asina por cuminsa cu e trabounan necesario riba e tereno di integridad. Pa loke ta trata e Integriteitskamer, e trabounan lo sigui e aña aki pa motibo cu tur cos a wordo para aña pasa door di e pandemia. Pa cu e tema di Corporate Governance Code, gobierno a bin ta hopi activo desde 2019.

E Corporate Governance Code ta e codigo/reglanan cu ta regula e gobernacion den entidadnan di Gobierno, pues con e control y supervicion mester tuma luga riba companianan estatal. Minister President Evelyn Wever-Croes a institui un comision cu ta encarga pa traha riba lo necesario pa tin un bon codigo pa loke ta trata nos companianan estatal.

Basa riba investigacionnan cu a ser haci di kico ta e posicion di corporate governance bou tur instancia semi-publico, e comision a prepara un “nul-meting” corporate governance. E comision aki a busca tur informacion necesario pa loke ta trata e leynan y reglanan y tambe e temanan di cumplimento door di e directornan y e miembronan di hunta di comisario di e companianan aki. Esakinan ta informacionnan clave pa yega na e normanan necesario cu nos companianan estatal y institutonan semi publico mester cumpli cu ne. Tambe a tene hopi entrevista cu esnan envolvi den esaki y e resultadonan a ser publica den un documento di “nul-meting”:

Importante pa notifica cu e “nul meting” no ta score mucho positivo riba tur punto pero pa gobierno ta importante pa cuminsa cu un base-line assessment pa asina mehora e corporate governance den e companianan estatal.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options