Control riba calidad di transporte publico (gearchiveerd)

Durante cierto periodo e compania Deloitte, riba peticion di ministro di Transporte, lo vigila e servicio di transporte publico. Lo acerca personanan cu ta haci uzo di e transporte publico manera taxi, bus, autobus, auto di huur(V), tourbus etc. pa medio di un encuesta. E idea ta pa haya sa con e usuarionan ta experencia e servicio cu nan ta ricibi. Cu e informacion ricibi lo por haci un analisis completo con pa drecha e servicio.

Diferente encuestado lo acerca e usuarionan y tambe lo tin formulario disponibel cu e usuarionan mes por yena. Tambe por manda un e-mail na opv@deloitte.com pa expresa bo experencia. E encuesta ta pa yuda mehora e calidad di transporte publico na Aruba y lo aprecia e cooperacion di tur hende.