Constelacion nobo di e Raad van Commissarissen di Setar N.V.

ORANJESTAD - Diamars 25 di october, Minister di Asuntonan Economico, Comunicacion y Desaroyo Sostenibel, mr. Geoffrey Wever, a introduci e constelacion nobo di e Raad van Commissarissen (RvC) di Setar N.V.

E Raad van Commissarissen di Setar N.V. ta consisti di e siguiente personanan:

  • Sr. Stephen Daal - President-Commissaris;
  • Sr. Anthony Croes - Plaatsvervangend voorzitter;
  • Sr. Giovanni Atencio – Commissaris;
  • Sra. Carolina Lopez Paz – Commissaris;
  • Sra. Iveta van Veen – Commissaris.

Director di Setar N.V. señor Roland Croes tambe tabata presente na e introduccion.

Presentacion constelacion nobo di e Raad van Commissarissen di Setar N.V.Presentacion constelacion nobo di e Raad van Commissarissen di Setar N.V.E constelacion nobo di Raad van Commissarissen di Setar N.V. ta consisti di profesionalnan cu amplio experiencia. Señor Stephen Daal ta un empresario cu varios aña di experiencia y a fungi 2 biaha como presidente di ATIA. Señor Anthony Croes ta un registeraccountant cu amplio experiencia den e ramo, ta doño di su propio compania di accountant y ta fungi den diferente otro rol den nos comunidad. Señor Giovanni Atencio tin un preparacion academico den business administration y tin un carera amplio den mundo bancario. Señora Carolina Lopez Paz ta un abogado cu 15 aña di experiencia den abogacia y doño di su propio bufete. Señora Iveta van Veen ta actualmente financial manager na Universidad di Aruba y tin background den accountancy y amplio experiencia internacionalmente den e ramo di finansas.

“Mi ta contento di introduci e constelacion nobo di Raad van Commissarissen aki consistiendo di profesionalnan independiente den area di business, accountancy, abogacia y finansas y ta sigur cu nan lo haci un bon trabou hunto cu directiva di Setar N.V. Mi ta deseanan hopi exito y sabiduria den e trabounan cu tin nan dilanti”, minister Geoffrey Wever.

Presentacion constelacion nobo di e Raad van Commissarissen di Setar N.V.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options