Conferencia pa consumidornan (gearchiveerd)

Ministro encarga cu Asuntonanan Ecomico, Social y Cultura, Michelle Winklaar, ta desea pa traha di cerca cu e negoshinan y e consumidornan pa garantisa cu e consumidor tin acceso na productonan sigur, sostenibel y un calidad halto di servicio.
E conferencia titula “Empowering Aruban Consumers Conference 2012 – Time for action” lo conta cu participacion di oradornan local y internacional. Por menciona Bart Combée, presidente di “Consumentenbond” di Hulanda, representantenan di Banco Central, Departamento di Asuntonan Economico y di oficina di abogado Eps, Kunneman, van Doorne.
Topiconan cu lo trata ta entre otro proteccion y derecho di consumidor, responsabilidad cooperativo, servicio financiero honesto, maneho di presupuesto di cas.
Segun e mandatario a haci hopi preparacion pa traha riba derecho di e consumidor manera cambio di diferente ley, cambio di maneho y un vision nobo y awo ta cla pa implementacion.
E conferencia lo ta habri pa tur hende, specialmente pa e consumidornan pa nan siña conoce nan derechonan y eherce esakinan segun ministro Winklaar.