Conferencia di trabou ‘Studiesucces Caribische Studenten’

ORANJESTAD - Anualmente aproximadamente 1600 studiante for di e parti Caribense di Reino Hulandes ta cuminsa cu un estudio na Hulanda.

Nan ta topa cu asina hopi problema durante nan estudio, cu nan no ta alcansa final di e estudio. Pa desaroya un acercamento concreto pa e problemanan aki, tur pais envolvi ta bin hunto di 26 pa 28 di september na Aruba. E ultimo aña y mey a traha eficazmente (online) pa prepara e conferencia importante aki.

Durante e conferencia di trabou, Aruba, Hulanda Caribense, Curaçao, Sint Maarten y Hulanda ta spera di desaroya hunto programa di sosten cu medida concreto y structural, pa mas studiante Caribense por termina nan estudio. Pa logra esaki mester di mas atencion pa scogemento di estudio, diferencia cultural y idioma. Durante e conferencia lo lansa tambe un plataforma online na unda lo comparti ‘best practices’.

Conferencia di trabou ‘Studiesucces Caribische Studenten’Gobierno y enseñansa hunto

E conferencia lo tuma luga na Universidad di Aruba y minister di Enseñansa di Aruba, Endy Croes lo habr’e oficialmente pa. E ta haci esaki conhuntamente cu Ron Bomans, presidente di hunta ehecutivo di directiva di Hogeschool Rotterdam y presidente di 'Regiegroep Studiesucces Caribische studenten’. Secretario-general di ministerio di Enseñansa Hulandes, Cultura y Ciencia, Marjan Hammersma, tambe lo ta presente. Mescos tambe e representantenan di gobierno di Aruba, Corsou, Sint Maarten, Boneiro y Sint Eustatius, Saba y Hulanda, como tambe e rectornan di e cuater universidadnan y un representacion amplio di enseñansa avansa, MBO y HBO.

E participantenan na e conferencia lo atende cu temanan manera bon preparacion di alumno y studiantenan Caribense cu ta desea di sigui un estudio na enseñansa avansa, transferencia cuidadoso, y supervision di studiante, oportunidad di estudio riba e islanan y mobilidad di estudio den Reino Hulandes.

Conferencia di trabou ‘Studiesucces Caribische Studenten’Plan di accion pa mehora exito di estudio

E problemanan di e estudiantenan den enseñansa avansa ta conoci pa basta tempo caba. E necesidad di traha hunto pa yega na un solucion tambe. Pa e motibo aki riba peticion di e ‘Vierlandenoverleg’ ministerial na 2021 a start e 'Regiegroep Studiesucces Caribische studenten’, cu reprepresentantenan di gobierno y enseñansa di e cuater paisnan. E grupo aki a desaroya un plan di accion (plan van aanpak) pa mehora e exito di estudio di e studiante Caribense.

Un grupo di proyecto, den cua partidonan concerni di enseñansa di tur e paisnan ta representa, tambe a pone man na obra den 2021 cu e plan aki. Durante e conferencia di trabou e grupo aki lo comparti con e plan ta desaroya actualmente.

Medidanan structural lo wordo presenta na e ‘Vierlandenoverleg’

Elaborando riba loke ya a inicia, e Grupo Directivo lo formula despues e recomendacionnan conhunto pa e ‘Vierlandenoverleg’ Enseñansa Cultura y Ciencia ministerial, cu lo tuma luga na december.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options