Conferencia di 5 aniversario di Inspectie Volksgezondheid

Dit item is gearchiveerd op 29-12-2022.

ORANJESTAD – Riba 25 y 26 di november 2022, Inspectie Volksgezondheid a tene un conferencia pa conmemora nan di 5 aniversario.

Minister di Turismo y Salud Publico, sr. Dangui Oduber, y Minister di Transporte, Integridad, Naturalesa y Asunto di Adulto Mayor, Sr. Ursell Arends tabata presente na e inicio di e conferencia di Inspectie Volksgezondheid Aruba.

Conferencia di 5 aniversario di Inspectie Volksgezondheid.Conferencia di 5 aniversario di Inspectie Volksgezondheid.Diferente oradornan trahando den e sector di cuido na Aruba, como tambe internacional a participa den e conferencia. Inspectie Volksgezondheid a organisa e conferencia aki cu e meta pa crea un plataforma neutral y inclusivo caminda cu dunadornan di cuido por comparti idea, experiencia y lesnan cu nan a siña cu otro. 

E stakeholdersnan aki ta e expertonan den nan area y e oportunidad aki ta importante pa refleha y bay den dialogo cu otro pa por mehora e calidad di cuido na Aruba. E 5 temanan cu a toca ta esnan cu a scoge pa medio di analisis di e problemanan mas grandi cu ta afecta e calidad den cuido. Segun Inspectie Volksgezondheid “E temanan aki a wordo determina door di analisa kehonan di pashent y posibel calamidadnan ricibi di dunadonan di cuido”.

E 5 temanan ta:

  • Leadership;
  • Organizing Quality of Health Care;
  • The Learning Organization;
  • Communication in Health Care;
  • Collaboration in Health Care.

Na final di e conferencia lo haci un resumen di e puntonan importante cu a  trece dilanti durante e conferencia y pa haci esakinan puntonan concreto riba e agenda pa e añanan cu ta bin. Lo  comparti e valioso informacion aki y ta spera cu esaki no stop na e conferencia so. Ta sumamente importante pa e expertonan den e veld comunica y comparti nan experiencianan cu otro ariba un forma fructifero pa asina nos por siña di otro y hunto sigui mehora e calidad di cuido.

E meta ta pa Aruba yega na un cuido mas eficiente, mas efectivo y mucho mas sostenibel. E mandatarionan  ta duna palabranan di pabien un biaha mas na Inspectie Volksgezondheid Aruba cu nan aniversarrio y sigur pa tur e esfuerso y trabounan duro pa organisa e conferencia aki. 

Conferencia di 5 aniversario di Inspectie Volksgezondheid.     Conferencia di 5 aniversario di Inspectie Volksgezondheid.     Conferencia di 5 aniversario di Inspectie Volksgezondheid.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options