Condecoracion Real 2015

Riba 24 di april, S.E. Gobernador F.J. Refunjol a haci entrega di condecoracion durante un ceremonia festivo na Radisson hotel.
Ridder in de Orde van Oranje-Nassau: sr. G.E. Ho Asjoe di 60 aña a ricibi e condecoracion aki pa su aporte na deporte di landamento.

 Lid in de Orde van Oranje-Nassau ta e siguiente personanan:

Sr. D.L Boekhoudt pa su 31 aña haciendo trabounan boluntarioentre otro como collectant di FAVI.

Sra. L.O. Yarzagaray-Danje  su trabounan boluntario cu verkennerij y ta 26 aña largo miembro di directiva di Stichting Kinderdagverblijf.

Sr. De Sousa Fernandes Perna pa su trabounan como miembro di directiva di varios organisacionnan y e tawata pa  10 aña largo Consul Honorario di Portugal na Aruba pa e comunidad Portugues di mas cu 1000 ciudadano.

Sr. R.F. Fingal pa su trabounan boluntario pa Club Kibrahacha 60+, un fundacion cu mas tanto kier mantene persona di 60 aña of mas activo door di organisa actividadnan riba tereno psikico, social y spiritual.

Sr. G.D. Franca pa su trabou pa añanan largo como miembro di comision di mayor di Racing Club Aruba (R.C.A. pa entre otro muchanan den Liga Infantil di Futbol di Aruba.

Sra. M.R. Kelly pa su trabounan como boluntario pa hobennan. E ta haci nan consciente di tradicion y folklore di Aruba.

Sr. J.D.B.A.A.E. Leysner, pa su trabou boluntario como consehero di maneho di Cruz Cora Hulandes na Aruba.

Sr. A.E. Thomas pa su actividadnan y logronan pa añanan largo den deporte di esgrima (schermen).

Y por ultimo Sra. R.C. Lopez- Henriques- Werleman, a ricibi su condecoracion pa su actividadnan deportivo cu ta encera bowling.