Banda di esaki tambe a haci entrega di premio di e concurso di pinta y kleur “Ley di Cacho” 2022 cu tabata pa basis y kleuter. Durante e evento aki Minister di Husticia y Asuntonan Social Sr. Rocco Tjon conhuntamente cu Minister President di Aruba Sra. Evelyn Wever-Croes, Minister Geoffrey Wever, Minister Endy Croes, y demas Ministers a haci entrega di e premionan pa e 16 ganadonan di e concurso di pintamento di ley di cacho.
Esaki tabata e di cuater aña consecutivo cu a organisa un concurso caminda a traves di nan pintura muchanan a haya e oportunidad di expresa y alabes siña tocante Aruba su Ley di Cacho.
E aña aki a conta cu participacion di 1218 mucha en total, caminda un total di 50 scol a participa di cual a saca 16 ganado den diferente categoria segun e klas y a haci e entrega di e premionan aki riba dia internacional di bestia. Banda di esaki a conta tambe cu un presentacion di Post Aruba, caminda e cuater ganadonan di aña pasa a pone e stempel oficial di e cuater stampianan, y a entrega esaki na demas ministersnan.
Siguientemente, e nombernan, segun secuencia di categoria, di e ganadonan.
| Concurso di pinta y kleur di ley di cacho 2022 | ||
|---|---|---|
| Premio | Categoria | Nomber |
| Prome luga | Kleine kleuter | Eliza Kock |
| Di dos luga | Kleine kleuter | Kaysen Wyatt Emanuel Werleman |
| Prome luga | Grote kleuter | Sarah Parra |
| Di dos luga | Grote kleuter | Shaniva Mangru |
| Prome luga | Basisschool – eerste klas | Aythian Johan Curiel |
| Di dos luga | Basisschool – eerste klas | Rowen Tjon |
| Prome luga | Basisschool – tweede klas | Derely Tromp |
| Di dos luga | Basisschool – tweede klas | Pedro Alexander Garcia Morillo |
| Prome luga | Basisschool – derde klas | Padma Piar |
| Di dos luga | Basisschool – derde klas | Jo-Myanne Donato |
| Prome luga | Basisschool – vierde klas | Natalia Sarai Alvarado Lizardo |
| Di dos luga | Basisschool – vierde klas | Benjamin Molina |
| Prome luga | Basisschool – vijfde klas | Kristin Maduro |
| Di dos luga | Basisschool – vijfde klas | Valentina Casafus |
| Prome luga | Basisschool – zesde klas | Anastasia de Palm |
| Di dos luga | Basisschool – zesde klas | Valentina Sofia Abreu Castañeda |
Asina por conclui cu e meta di e concurso di pinta y kleur “Ley di Cacho” 2022 tabata pa sigui conscientisa comunidad, specialmente nos muchanan, tocante e cuido debido di nan mascota. Minister Tjon tambe ta convenci cu si nos cuminsa inculca e atencion debido di nos leynan den nos muchanan, den e caso aki, e Ley di Cacho, nos lo por garantisa un miho futuro pa locual ta trata doñonan di mascota responsabel cu ta respeta e ley, y alabes nan propio cachonan. Un palabra di pabien na tur e ganadonan y un danki na e organisacion di e concurso cu e tremendo iniciativa pa e di cuater aña consecutivo.
Share this page