Concurso di Pinta & Kleur mascota

Dit item is gearchiveerd op 23-11-2020.

ORANJESTAD - E comision di accion cu ta encarga pa ehecuta e plan nacional cu ta atende cu e problematica di cacho riba caya e aña aki atrobe ta organisa un Concurso di Pinta & Kleur.

A lansa e concurso riba Dia di bestia cu ta celebra tur 4 di october. 

Por por download e formulario di informacion y participacion na www.specialprojectsaruba.org y print esaki pa e muchanan por pinta y kleur na nan estilo pa participa na e concurso aki. Tambe por haya mas informacion y entrega e formulario di participacion na tur 4 MFA. 

Kidscorner na DO IT CENTERE comision tawata en busca di un lugar central - pariba y pabou di brug, cu ta habri pa oranan mas largo cu e MFAnan, unda e muchanan por haya sa mas di e campaña aki. E comision di accion a acerca DOITCENTER y nan gerencia a colabora cu e comision y a crea un kids corner special pa e concurso. Despues di ricibi e formulario, e muchanan por pinta eynan mes mientras cu nan mayornan ta haci compras. Ora e mayornan caba di haci compras e muchanan ta bay cu nan formulario cas pa cabe na nan gusto. Muchanan mester kleur tur dos banda di e formulario y tambe pinta nan mascota faborito.

Kidscorner na DO IT CENTERUltimo dia pa entrega e formulario di participacion lo ta dia 5 di november venidero. Dia 20 di november, cu ta Dia Internacional di Mucha, e ganadonan lo ricibi nan premio. 

Banda di e 4 oficinanan di MFA, por entrega e formularionan na Aruba Animal Shelter, Bestial, Centro di Control di Cacho y oficina di Gobierno Eddison Briesen na San Nicolas. Por entreg’e tambe na Costumer Service Desk di DOITCENTER.

Meta di e Concurso di Pinta & Kleur ta pa yega cerca di e curason di nos muchanan na Aruba na un edad hopi hoben pa asina logra conscientisa nan di e cuido di un mascota y nan responsabilidad como doño di un mascota.  

Di e forma aki e comision ta spera di por planta e simia den nos ciudadanonan di futuro, pa tin respet y ta duna balor na nos mascotanan cual tambe ta forma parti di nos famia y di nos bida diario.

Ban encurasha nos muchanan y laga nan tur participa den e concurso aki.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options