Compromete bo mes na e reto pa un luna di juli sin uzo di plastic

ORANJESTAD - Bo sa di e ley di prohibicion di productonan daniño pa nos medio ambiente?

Bo sa cu e  ley di prohibicion di producto cu ta dañino pa medio ambiente di Aruba (AB2019 no.67) aki ta prohibi plastic di un solo uzo? Lo ta bon pa un y tur haya sa mas di e ley aki cu ta reglamenta prohibicion di importacion, compra of regala productonan di plastic di un solo uzo.

Poster Plastic Free July Departamento di Naturalesa y Medio AmbientePa e luna aki di juli 2021 mescos cu e otro añanan, Directie Natuur en Milieu (DNM) ta propone un reto pa loke ta trata consumo of compra di productonan di plastic. E plataforma plasticfreejuly.org tin un challenge disponibel cu ta yuda guia con pa cambia e patronchi di consumo di plastic. Riba e website por haya conseho con pa haci esaki, con abo tambe por stop di uza plastic y pa cuanto tempo. Tambe tin un opcion unda bo por selecta e nivel cu bo ta considera bo mes y si kier hib’e un stap mas leu. Bo por scoge pa cuanto tempo bo ta desea di tuma e reto: un dia, un siman, full e luna di juli of desde awor en adelante. Comparti e link riba bo media social personal asina otro tambe por haya sa di e reto cu abo a tuma. Aki ta sigui algun tip kico bo por considera pa cambia of stop di uza:

  • Blaasnan cu ta uza pa decoracion of den practica di pesca. Esakinan lamentablemente ta bay den lama, y cu tin como consecuencia cu e turtuganan di lama y piscanan ta come. Esaki ta fatal pa e especienan aki,  pero tambe ta drenta den nos ciclo di cuminda. Hende ta come pisca cu por contene microplastico. Investigacion na nivel mundial ya a prueba cu plastic a drenta nos cuminda. Conseho ta pa uza otro tipo di decoracion y practica piscamento na un manera sostenibel.
  • Boternan di plastic cu refresco, awa of juice. Despues cu ta bebe e contenido, ta benta e boter di plastic afor. Por haci uzo di boternan re-uzabel pa yena awa for di cranchi. Por scoge di cumpra juice cu ta bini den empake di glas of carton.
  • Flornan di plastic uza pa decoracion of entiero. Por uza flor bibo of haci un donacion na un fundacion.
  • Confetti di plastic cu tambe ta uza pa decoracion ta prohibi en bes di esakinan por uza di papel. Foamie tambe ta plastic- por traha decoracion di tela.
  • Baki di plastic pa pone bolo- por cumpra esun di carton of uno re-uzabel.
  • Tapa boca cu ta single-use, por uza uno re-uzabel na su luga.
  • Productonan di uzo personal; manera maandverband unda por kies pa uza un menstrual cup. Na luga di pampers por uza bruki di paña, Q-tips pa haci horea limpi, por uza esun cu tin  stokje di palo, skeiro di djente di plastic- por cumpra di palo, elimina compra di floss sticks di plastic, blitnan pa feita desechabel.
  • Tapaderanan di koffie, por nenga di tuma uno of uza bo mesun copi re-uzabel.  No tuma stirrers of straws di plastic, tin di palo of trece di bo mes cu ta re-uzabel.

Luna di juli sin uzo di plasticLogo Luna di juli sin uzo di plasticE luna aki di juli ta dedica na conscientisacion di consumo di plastic asina bo por tuma accion berdadero.

Tumando retonan manera esun aki di plasticfreejuly.org bo ta yuda baha e cantidad di sushi y polucion cu ta keda acumula riba e landfill na Parkietenbos y Sero Teishi.

DNM kier a yama danki na esnan cu ya caba a haci cambio den nan consumo y compra di producto di plastic y tambe na esnan cu ta bay join e challenge. E mensahe ta cu hunto nos por haci un diferencia y ta parti di e solucion pa loke ta trata polucion di plastic cu ta causa asina tanto daño mundialmente na nos medio ambiente y naturalesa.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options