Como bon ciudadano ban yuda proteha nos bida marino

ORANJESTAD - Na Aruba tin varios especie marino cu ta protehi. E ley nacional cu ta percura pa e proteccion di e especienan aki ta Ordenansa pa Proteccion di Naturalesa (Natuurbeschermingsverordening).

Turtuga cu a caba di nace ta sali for di nan neishi anochi.Segun nos leynan local, ta prohibi pa mata, captura, haci daño, stroba of recoge webonan di especienan cu ta protehi.

Mangel Tam (mangel Rhizophora).Especienan protehi

Entre e especienan protehi ta haya tur coral, varios yerba di lama, tur mata di mangel, tur sorto di Gutu (famia di Scaridae), Jacupeper, Djukfes, tribon bayena, Atlantic Blue Fin Tuna, kreft, tur calco, tur turtuga, bushi preto (diadema antillarum), strea di lama, cabaynan di lama, Hydrocorallina (coral), Zaagvis, Manta, Rogans, 2 sorto di tribon martieu (Sphyrna mokarran y Sphyrna lewini), 3 cocolishi di e famia di Conus, Caribbean Crown Conch, y tambe tur bayena y delfin.

Pakico proteha bida marino?

CawamaCaretNos mester di nos bida marino, nan ta forma parti di e ecosistema di balor grandi pa nos biodiversidad. Nos bida marino tambe ta di importancia pa nos industria economico mas grandi cual ta turismo y tambe nos industria di pesca. Un desaroyo balansa y sostenibel lo ta na beneficio di nos tur y por yuda restaura y mantene nos lama sano pa evita cu e ta bay atras. Pa e ser humano, un bida marino saludabel ta yuda cu “food security” y di e forma aki ta contribui tambe na e meta global di un futuro mas sostenibel, ‘Sustainable Development Goals’ (SDGs).

Prome Minister Evelyn Wever-Croes ta haci un suplica na cada ciudadano di nos pais, pa como bon ciudadano, nos tur tambe semper keda aporta y cuida nos naturalesa. Cu aporte di cada ciudadano den cuido di nos bida marino, nos lo tin un lama mas sano y saludabel pa semper y nos lo mira miho desaroyo pa nos pais.

   Djukfes          Gutu

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options