Pa esaki Minister di Asuntonan Economico, Comunicacion y Desaroyo Sostenibel, mr. Geoffrey Wever, a forma bou di su liderazgo e Comision Recuperacion Economico (Commissie Economisch Herstel). E meta di e comision ta pa formula incentivanan fiscal cu lo aporta na inversionnan nobo y na crecemento economico. Pa atrae ‘foreign direct investments’ (FDI), Departamento di Asuntonan Economico, Comercio y Industria (DAECI) a haci un investigacion na e paisnan di enfoke menciona den e Strategia di Inversion 2019-2024 y a benchmark algun islanan di Caribe cu tin concurencia cu Aruba pa atrae inversionnan di exterior. Lo uza e investigacion haci door di DEZHI tambe den e trabounan di e comision.
E Comision Recuperacion Economico ta consisti di belastingadviseurs, advocatuur, accountancy, Aruba Bankers Association, Aruba Trade and Industry Association, Aruba Hotel and Tourism Assocation, San Nicolas Business Association, Comerciantenan Uni Aruba, Kamer van Koophandel, Freezone Aruba N.V. y DEACI.
E siman aki diamars, e Comision Recuperacion Economico lo inicia nan trabounan den sesionnan di trabou parti den tres dia den cual lo brainstorm y traha hunto na un pakete di incentivanan fiscal nobo cu mester contribui na un recuperacion rapido y duradero di Aruba su economia. Banda di e incentivanan fiscal, Ministerio di Asuntonan Economico, Comunicacion y Desaroyo Sostenibel tambe ta finalisando e revision completo di e maneho di establecimento di negoshi (vestigingsbeleid) cual lo anuncia den juli 2022.
“E incentivanan aki mester resulta den crecemento economico y duradero real y mester stimula sector priva pa inverti, y pesey ta di importancia crucial cu sector priva y gobierno ta hunto den consulta y deliberacion over esaki y ta trek e proceso conhuntamante" - Minister Geoffrey Wever.
Share this page