Comision pa yuda trahadonan di Valero (gearchiveerd)

Un comision consistiendo di representantenan di sindicato, sector comercial y Gobierno lo bay investiga con pa ubica mas tanto empleado cu ta posibel den diferente sector unda cu tin demanda pa trahado.
Departamento pa Progreso Laboral, departamento di Labor y departamento di Recurso Humano di Gobierno lo analisa tur e vacaturanan cu tin den tanto sector particular como sector gubernamental pa garantisa cu Aruba su economia lo keda uno di calidad y di conocemento.
E proyectonan cu ta tumando luga y cu lo bay cuminsa manera di renobacion di centro di ciudad, scolnan, edificionan di Gobierno, proyectonan den bario, expansion di hospital, mudamento di waf, proyectonan pa aplicacion di energia alternativa sin duda lo por uza e conocemento di varios trahado di Valero manera riba tereno tecnico, administracion y automatisacion. Tambe por menciona proyectonan den sector hotelero y lo acerca Enseñansa pa Empleo pa asisti cu cursonan adicional.