Comision Celebracion Dianan Nacional ta informa: Maart luna cultural y celebracion nacional

Dit item is gearchiveerd op 10-04-2021.

ORANJESTAD - Comision Celebracion Dianan Nacional (CCDN) bou auspicio di Ministerio di Cultura tur aña tin su preparacionnan pa e celebracion nacional aki.

Boeki 'Mucha Crioyo mi Ta'For di aña pasa nos pais mester a adapta na e situacion cu a presenta pa medio di un pandemia. Pero no obstante esaki, no por pasa e celebracion di e aña aki sin mas. A traha riba diferente manera pa realisa e celebracion aki y danki na tur cu a uni forsa pa realisa un programa diferente. Realisacion di e dos Festivalnan di un Canto pa Aruba su Himno y Bandera den un forma virtual, Poeta di Patria (virtual), e buki di ‘Mucha Crioyo mi Ta’ pa tur scolnan basico di Aruba, e presentacion cultural (virtual) riba 17 di maart y e parti oficial di e acto protocolar na PlaSa Libertador Gilberto F. Betico Croes, caminda lo hisa bandera den presencia di mandatarionan riba 18 di maart venidero. Cual ceremonia lo ser transmiti den forma nacional. Celebracion di 45 aña di Himno y Bandera ta un aniversario importante pa conmemora y celebra nos simbolonan di identidad cu ta uni nos den un solo pueblo.

45 aña celebracion Himno y BanderaHimno y Bandera:
Hopi biaha nos no ta para un rato keto y refleha riba un transcendencia y lucha pa realisacion di e hecho aki. Paisnan grandi tur den nan historia esaki ta un lucha importante cu ta marca pa e logro di identidad y simbolo nacional di un pueblo. Sigur cu forsa y union den nacemento di un pais nobo.

Esakinan tabata pensamentonan cu vision y lucha pa logra e anhelo di un pueblo. Awe nos por ta orguyoso di nos simbolonan nacional y su logro.
P’esey riba e fecha di 18 di maart venidero hisa bo bandera sinti bo orguyoso di ta un Arubiano.

Tabata riba 18 di maart 1976, e bandera di Aruba a keda inaugural. Durante un celebracion grandi den Wilhelmina Stadion (awe Stadion Guillermo Prospero Trinidad) a hisa e bandera pa prome biaha y a toca e cantica ‘Aruba Dushi Tera’ como himno di Aruba.

CCDN a percura cu e celebracionnan aki por yega den cada hogar, establecimiento y negoshinan, companianan estatal, casanan di anciano, hospital, cerca studiante y esnan cu ta biba den exterior, na bo luga di trabou si esaki ta ser permiti. Pasobra e celebracion aki ta di henter pueblo di Aruba.

Comision Celebracion Dianan Nacional bou di auspicio di Ministerio di Cultura ta spera cu establecimentonan, oficina di gobierno, companianan estatal, negoshinan y tur casnan na Aruba decora, hisa su bandera di Aruba, den uniformidad demostra e union y celebracion di nos Dia di Himno y Bandera.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options