Colegio EPI ta tene un anochi di informacion diabierna awor 29 di april

ORANJESTAD - Colego EPI lo tene su anochi di informacion riba 29 di april pa studiante di entre otro scolnan secundario cu ta interesa di sigui cu nan estudio cerca nos pa aña escolar 2022-2023.

Meta principal di e anochi aki ta pa informa aplicantenan tocante e diferente programa di educacion cu Colegio EPI lo ofrece pa aña escolar 2022- 20223.

Participantenan por scoge pa atende un di e dos sesionnan cu lo  presenta riba e anochi aki.

Sesion General 1 – 5:30 pa 6:00 p.m den Auditorium.

Na final di e sesion general e reparti e grupo den 4 lokaal, cada un pa e unit cu e ta interesa den, pa sa mas di e opleiding ofreci. E 4 sesion aki lo dura te cu 6:45 p.m.

Sesion General 2 – 6:30 pa 7:00 p.m. den Auditorium.

Na final di e sesion general lo reparti e grupo den 4 lokaal, cada un pa e unit cu e ta interesa den, pa sa mas di e opleiding ofreci. E 4 sesion aki lo dura te cu 7:45 p.m.

E campus di Colegio EPI lo ta accesibel via gate 8 na unidad Ciencia y Tecnologia y tambe gate 2 dilanti di Stafbureau.

Desde augustus 2021 Colegio EPI a inicia un proceso di renobacion di su programanan di educacion. E proceso aki ta pa Colegio EPI por alinea su mes na e obhetivonan prescribi den e Plan Educacion Nacional (PEN) 2030, como tambe e recomendacionnan di e doorlichtingsrapport landspakket pa Enseñansa na Aruba. 

Teniendo na cuenta tur locual e procesonan di renobacion ta exigi, Colegio EPI pa medio di DEA, Inspectie y DPS cu aprobacion di Minister di Enseñansa, lo implementa un strategia pa aña escolar 2022-2023 pa crea espacio pa nos docentenan por dedica na renobacion di programanan di educacion. E strategia aki ta implica cu lo tin cambio den programanan di educacion, como tambe e cantidad di studiante cu lo por drenta den e programanan na 2022-2023.

Anochi informacion Colegio EPI - 29 di april 2022

E siguiente programanan lo ta habri pa studiantenan nobo por aplica na Colegio EPI pa aña escolar 2022-2023.

Unidad Ciencia y Tecnologia

  • Programa Nobo - Allround medewerker Information Technology (IT) Systems and Devices – Nivel 3
  • Programa Nobo - Expert Information Technology (IT) Systems and Devices – Nivel 4
  • Programa Existente - Elektrotechniek – Nivel 4

Unidad Economia

  • Programa Nobo - Allround Assistant Business Services – Nivel 3
  • Programa Nobo - Business Administration & Control Specialist – Nivel 4

Unidad Hospitalidad y Turismo

  • Progama Existente - Certified Cook (Apprenticeship) – BBL Nivel 2
  • Programa Existente - Associate of Applied Sciencie in Culinary Arts – Nivel 3
  • Programa Nobo - Zelfstanding Medewerker Leisure & Hospitality – Nivel 3
  • Programa Nobo - Leidinggevende Leisure & Hospitality – Nivel 4
  • Programa Existente - Associate Of Science Degree in Hotel and Restaurant Management – Nivel 5 – lo habri solamente pa aplicantenan cu un afgeronde MBO 4 of HAVO diploma y e opleiding lo tin un duracion di 2 aña.

Unidad Salubridad y Servicio

  • Programa Existente - Sociaal Pedagogische Medewerker (Welzijn) – Nivel 3
  • Programa Nobo - Verzorgende IG – Nivel 3
  • Programa Existente - Sociaal Pedagogische Medewerker (Welzijn) – Nivel 4
  • Programa Nobo - MBO Verpleegkundige – Nivel 4

Tur otro programa no menciona den e lista aki lo no ta habri pa aplicacion, ya cu nan lo ta parti di e proceso di renobacion. E meta ta pa habrinan bek na augustus 2023 den un formato renoba.

Tene na cuenta cu e cuponan lo ta limita. Esaki kiermen na momento cu yega e cantidad maximo pa cada programa lo cera esaki y aplicantenan lo bay riba un wachtlijst. Pa e motibo aki ta encurasha tur esnan interesa, pa yena nan aplicacion digital cual proceso lo habri entrante 1 di mei via nos website: www.epiaruba.com

Na e momentonan aki nos website ta desactiva temporalmente pa update tur informacion pa nos studiantenan nobo. Nos website lo habri bek entrante 1 di mei y e proceso di aplicacion lo cera 15 di juni sin excepcion. 

Durante nos anochi di informacion Arubalening tambe lo t’ey presente pa asina facilita e proceso di aplicacion pa financiamento di estudio na Colegio EPI

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options