Colegio EPI ta gradici e compania y instancianan cu ta coopera cu pasantia di nan studiantenan

E evento aki ta di gran importancia pa Colegio EPI, na unda BPV (stage) bureau di Colegio EPI ta duna elogio y muestra di gratitud na diferente compania y instancia cu ta coopera cu pasantia di e studiantenan di Colegio EPI.

E intencion tras di e evento anual aki ta pa brinda e companianan un rato placentero como muestra di gratitud pa e gran cooperacion cu e studiantenan y docentenan di Colegio EPI ta ricibi durante henter e aña escolar.

Tambe ta probecha di e evento aki p’asina intercambia ideanan nobo y ricibi feedback di e companianan pa mantene of te hasta hisa e calidad di pasantia di Colegio EPI. Mester remarca cu un cantidad grandi di compania tabata presente unda cu a pasa un rato ameno y alabes a intercambia hopi informacion valioso.  Mayoria di e instancianan cu tabata presente ta trahando cu por lo menos un of dos unidad di Colegio EPI. 

E companianan presente tabata:

• Bureau Traimerdia;
• AHATA;
• Funari;
• Hyatt Regency Aruba;
• Cas Marie;
• Orthopedagogisch Centrum;
• SVGA;
• NV Elmar;
• Belle Bambino Kinderdagverblijf;
•  Flexo Manpower Services;
• Biblioteca Nacional;
• C2 Civil & Construction;
• Santa Rosa, DLVV;
• Casa del Mar Beach Resort Aruba;
• Botica Santa Anna;
• Maduro Travel;
• ABC Peuterschool;
• Scol Preparatorio  Nos Paraiso;
• Centro di mucha Ebenezer;
• Ricardo Wever CPA NV.;
• FAVI;
• ImSan;
• Web Aruba NV.;
• De Palm Corporation;
• De Palm Island;
• Wit Gele Kruis Aruba;
• Fundacion Biba Bao Guia/SPD;
• Botica Santa Anna;
• Smart System;
• Rhodana Security;
• Dr. H.O. Hospital;
• Caribbean Fasteners;
• Mi Casita Traimerdia;
• Pasadia Infantil Te Aworo;
• Pasa dushi Pasa pret Peuterschool;
• Naschoolse Opvang Coolkids;
• Guardian Group;
• DTI;
• Villa Gumbs Naschoolse Opvang;
• Wilson Administrative Services;
• Balashi Aruba;
• AMC Unicon;
• Setar NV;
• La Cabana Beach Resort & Casino;
• Aruba Insurance Broker;
• Kooyman.

Importante pa menciona ta cu comunicacion y compromiso ta keda esencial den e relacion y colaboracion entre Colegio EPI y e companianan. 

BPV (stage) bureau di Colegio EPI ta gradici tur compania cu tabata presente durante e evento aki y tambe tur compania cu semper ta copera cu Colegio EPI y su studiantenan.