En principio ta trata di tur multa cu a wordo impone pa un Hues y cu e persona condena no a paga ainda. Huez ta dicidi ora di impone un boet cu, si en caso no paga esaki, por cera e persona condena pa sinta castigo. Esaki ta yama ‘vervangende hechtenis’.
Den e cuadro aki lo para biaheronan cu multanan habri door di grenspolitie na airport. Nan lo no por sigui biaha te cu nan paga. Personanan cu no por of no kier paga nan multa(nan) habri, ademas lo para nan pa cumpli cu nan detencion (vervangende hechtenis). Banda di e hecho cu lo detene e persona, esaki ta significa tambe cu e lo perde su vuelo. Esaki ta cay completamente na riesgo propio di e persona cu a keda sin paga su multa.
Pa conviniencia di e biahero grenspolitie ta dispone di un mashin di swipe portatil di Ministerio Publico.
Pa evita cu bo persona wordo para y deteni y perde bo vuelo, Ministerio Publico ta haci un apelacion urgente na personanan cu tin boetnan habri, pa paga. Por paga online via cuenta bancario 4000905 di ArubaBank bao mencion di e parketnummer. Por swipe tambe na balie di Ministerio Publico despues di haci un afspraak via website www.omaruba.com.
Areglonan di pago pa personanan cu tin cu sali di biahe no ta posibel (mas), cu excepcion di ora ta trata di un viahe pa rasonnan medico. Pa por regla e ultimo aki, mester presenta cu un prueba por escrito (di e biahe medico) y paga mitar di e boet cu tin habri.
Share this page