Clientenan di DIMAS mester yena persoonsnummer corecto den aplicacion di permiso

ORANJESTAD - DIMAS ta ricibiendo un cantidad di peticionnan cu no ta cumpli cu tur e rekisitonan pa nan por wordo procesa debidamente.

Clientenan di DIMAS mester yena persoonsnummer corecto den aplicacion di permiso.Entre e rekisitonan cu ta importante pa e cliente tene cuenta cu ne ta:

  1. Yena e persoonsnummer (di impuesto) corecto di e garante.
  2. Entrega tur documento cu ta necesario pa e peticion segun e checklist.
  3. Yena number di telefon y emailadres personal di cliente completo y correcto.

Nos kier para keto un rato riba e hecho cu si un cliente no yena e informacion ariba menciona corecto y completo esaki lo tin consecuencia negativo pa cu e peticion di permiso.

Yenamento di persoonsnummer corecto di e garante ta hopi importante.

Si Departamento di Impuesto NO por valida e entrada di e garante esaki lo tin consecuencia negativo pa e peticion di permiso. E permiso lo wordo nenga den e caso aki.

Den caso cu e peticion ta incompleto e cliente lo ricibi un email indicando cu e peticion ta incompleto y e cliente lo tin di traha un cita nobo pa e por entrega su peticion un biaha mas.

Na momento cu un cliente no yena su number di telefon of emailadres personal, DIMAS lo no por tuma contacto cu e cliente si falta of mester manda un documento pa e cliente

DIMAS ta pidi su clientenan pa nan traha un cita via di e sistema di afspraak riba e website di www.dimasaruba.aw unicamente na momento cu nan tin tur documento y datonan den nan poder cu ta necesario pa DIMAS por haci un debido evaluacion di e peticion.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options