Dit item is gearchiveerd op 13-08-2022.
E siman educativo aki a conta cu varios presentacion dinamico riba e tema di “conquering new horizons”. Aki a trata e topiconan di e ultimo tendencianan den e-commerce, futuro di pago online, incluyendo moneda digital (crypto currency), ‘blockchain’, ‘crypto wallets’ y ‘non-fungible tokens (NFTs)’. Tambe a trata topiconan manera ‘circular economy’y ‘doing business with the USA, Asia and the Caribbean’.
Minister di Asuntonan economico, Comunicacion y Desaroyo Sostenibel, mr Geoffrey Wever tabata t’ey presente pa otorogacion di certificadonan na e participantenan cu a completa e curso. “Ta spera cu e curso aki por a duna mas conocemento na tur esnan cu a participa, y ta forma parti di mehoracion di nos comunidad empresarial”, minister Wever a menciona durante su discurso.
Prome cu otoroga certificadonan, minister Wever a comparti cu e grupo informacion di leynan cual recientemente a ser modifica, pa asina reconoce moneda digital (crypto currency) dentro di Aruba su legislacion.Asina ta sigura cu por adapta na e formanan moderno di haci negoshi cual sigur lo tin un impacto mas grandi den e añanan binidero, pa cual nos mester haci uzo di e oportunidad.
Tabata tin un sentimento hopi positivo di parti di e participantenan riba e experiencia y materia cu a ser cubri, y esaki ta sumamente positivo pa e economia di Aruba su desaroyo.
Share this page