Cinco (5) proyecto di prioridad strategico di innovacion

Dit item is gearchiveerd op 28-02-2020.

ORANJESTAD - Den cuadro di Aña di Innovacion y Enseñansa, durante e evento di FUTURA pa start nan Agenda di Innovacion 2020, Prome Minister Evelyn Wever-Croes a informa di cinco (5) proyecto di prioridad strategico cu lo cuminsa e aña aki.

E vision di innovacion y educacion en general di Gobierno di Aruba:

Minister di Husticia, Securidad y Integracion, mr. Andin Bikker, Minister President, mr. Evelyn Wever-Croes, Minister di Finansas, Asunto Economico y Cultura, mr. Xiomara Ruiz-Maduro y  Minister di Enseñansa, Sciencia en Desaroyo Duradero, dr. Armando Lampe durante presentation di e 5 proyecto di innovacion.   Innovacion ta un aspecto sumamente importante pa tur pais, industria, compania, y organisacion. E desaroyo riba tereno di tecnologia y automatisacion di ultimo añanan cu ta sosodiendo na un manera exponential tin un impacto grandi riba nos bida diario, con nos ta traha, y sigur riba e futuro di nos futuro generacionnan. Y e rol di e ser humano den esaki ta uno crucial.

Manera cu Gobernador di Aruba,  Alfonso Boekhoudt a indica den su discurso di aña nobo; ohala por aplica e solucionnan di automatisacion den un forma mas completo sin perde bista pa e factor humano cu ta sostene e automatisacion aki. Esaki sigur ta e punto di salida di Gobierno di Aruba. E ser humano ta y lo keda central den tur e proyectonan di innovacion.

Den 2020 lo sigui enfoca riba e habilidadnan nobo cu lo trece oportunidad laboral alternativo y diversificacion di nos economia. Pa logra esaki, educacion y life-long learning ta di sumo importancia. No solamente pa nos muchanan, pero pa tur persona interesa den desaroya nan habilidadnan of siña habilidadnan nobo. Esaki ta algo cu Gobierno ta enfocando riba dje, y e proyectonan di prioridad riba agenda, tur di un forma of otro ta promove esaki.

E cinco (5) proyectonan di innovacion cu ta prioridad pa Gobierno den 2020:

  1. eGovernment
  2. 100 Innovations.
  3. B-Lab Santa Cruz
  4. Future of Work Vocational Training
  5. eLearning 2.0

Chief Innovation Officer Varelie Croes y e FUTURA-teamCu esaki Prome Minister Evelyn Wever-Croes ta oficialisa pa prome biaha den historia di Aruba, e Aña di Innovacion y Enseñansa, cu enfoke riba innovacion den enseñansa.

Chief Innovation Officer Varelie Croes y henter e ekipo di FUTURA ta encarga cu e plan y cu accion relaciona cu esaki.

Prome minister ta gradici e ekipo completo di FUTURA, su colega ministernan pa nan cooperacion y finalmente na Parlamento pa aproba e alocacion di e fondonan scars pa por haci innovacion un realidad.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options