Cierre di registro di votador

ORANJESTAD - Hefe di Registro Civil y Censo ta participa cu conforme articulo 3 jo. 33 inciso 2 di nos Ordenansa Electoral e cierre di e Registro di Votado a tuma luga diaranson 7 april 2021.

Solamente personanan cu ta aparece den e Registro di Populacion ariba dicho fecha, cu tin nacionalidad HULANDES y dia di eleccion tin 18 aña pariba, por vota na e eleccion dia 25 juni 2021. E Registro di Votado a cera cu un total di 70.281 votado.

VOTER’S CHECKTOOL

Pa averigua si bo nomber ta aparece den e Registro di Votado y na unda bo ta vota:

bay riba Voter’s checktool y sigui e instruccion.

Nos ta informa cu tur eleccion ta revisa e reparticion di urna, debi na cayanan nobo, y un aumento grandi di votado na cierto urnanan manera entre otro Noord/Tanki Leendert. Teniendo cuenta cu Covid-19 y e debido medidanan preventivo cu a wordo tuma di antemano pa evita aglomeracion, a subi e cantidad di urna di 62 pa 70 mas e dos urnanan ambulante, y a baha e cantidad di votadonan na cada urna. Esaki ta trece cune cu no semper bo lo vota na e mesun urna. 

RIJBEWIJS

Pa esnan cu kier vota cu nan RIJBEWIJS cu NO a wordo traha na Censo, controla si e datonan (fam, nomber, fecha di nacemento, lugar di nacemento) riba bo rijbewijs ta cuadra cu por ehemplo e datonan den bo paspoort Hulandes, ID kaart of bo oproepkaart pa eleccion 25 juni 2021, cu lo yega na bo cas. Tambe por compara esaki cu esun den e Registro di Votado cu ta accesibel via e Voter’s Checktool.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options