Centro di Control di Cacho ta extende orario di servicio 

For di dialuna pa diabierna, CCC lo ta habri di 8:00 AM pa 4:00 PM. Asina CCC ta haci su mes mas accesibel pa atende debidamente cu cacho of pushi cu ta yega e centro. 

E extension di orario di CCC, tambe ta duna mas oportunidad pa esnan cu kier adopta un mascota, y cu esaki ta di spera cu e grado di adoptacion lo subi na Aruba. Adopta un mascota ta e decision mas responsabel cu por  tuma, cual ta yuda positivamente na e problema  di mascota riba caya na mes momento. 

Den National Plan for Stray Animals (NPSA), anuncia na comienso di april 2022 door Minister di Transporte, Integridad, Naturalesa y Asunto di Grandinan Ursell Arends, ta enfoca riba educacion y conscientisacion di e problema di cacho . Tambe riba e doño su responsabilidad ora di scoge pa tin un mascota y promove prevencion di reproduccion indesea. Centro di Control di Cacho den su tarea, tambe ta yuda educa y informa comunidad riba con pa cuida nan mascota adecuadamente.  

Cu esfuersonan di cada un ciudadano nos por reduci e fluho di cantidad di mascota cu ta ser bandona.