Censo lo ta habri diasabra mainta solamente pa paspoort (gearchiveerd)

Tur diasabra entre 9 or di mainta y 1 or di merdia te cu 30 di juni 2012, por pasa
pa haci peticion pa paspoort of busca paspoort. Tambe ta pidi tur hende pa tene cuenta cu entrante 26 di juni 2012, no por agrega nomber di un yiu mas den paspoort di un mayor. Pues e yiu mester tin su propio paspoort. E paspoort di e mayor si ta keda valido te cu e fecha di vencemento.
Ora di aplica pa paspoort, mester presenta cu tur documento necesario manera e paspoort bieu, prueba di identificacion, suma di placa corecto y un potret di bon calidad.
Trahamento di un paspoort ta dura dos siman, asina ta no warda te ultimo momento pa haci e peticion.
Pa tur otro servicio y producto di Censo mester acudi durante dianan di siman na oficina di Censo sea na Oranjestad of na e oficinanan di Gobierno den districto.