Celebracion Dia Nacional dia 18 di maart

Tambe lo tin e festival “Un canto pa nos Himno y Bandera” riba Plaza Turismo dia 14, 15 y 16 di maart. E festival lo tin categoria di infantil, hubenil y adulto cu composicionnan na Papiamento.
Dia 18 di maart lo tin un recorido cultural cu lo cuminsa 1 or di merdia na Plaza Turismo dilanti Linear Park y lo termina na Centro di Bario Lago Heights, unda cu lo tin un celebracion. E idea ta pa bishita diferente monumento, museo y sitionan cu ta relaciona cu nos cultura y Dia Nacional. Tur participante den nan auto decora lo wordo guia via un radio emisora local.
Dia 17 di maart lo tin na Monumento 18 di maart un reconocemento na e firmantenan di e mocion cu a conduci na e realisacion di nos Status Aparte. Riba Plaza Betico Croes lo tin un Fiesta Cultural cu musica y cuminda tipico.
Dia 18 di maart 8or di mainta lo reconoce diferente estadista pa medio di un acto special na Plaza Juan E. Irausquin, Plaza Betico Croes y na Plaza Henny Eman sigui pa e acto protocolario dilanti Bestuurskantoor combina cu un manifestacion cultural.
Den diferente districto rond Aruba lo tin actividadnan cultural, social y deportivo relaciona cu Dia Nacional di Aruba.
Minister encarga cu Cultura, Otmar Oduber a bishita scol basico Santa Teresita den cuadro di
conscientisacion di e muchanan tocante e balor di e himno y bandera di pais Aruba y e cordialidad di nos hendenan.
Tur scol basico, specialmente klasnan 5 y 6 lo haya bishita di funcionarionan di Museo Historico, ATA, BNA, Santa Rosa y Aruba Certification Programme