En conexion cu e celebracion aki, Ministerio di Cultura y Comision Celebracion Dianan Nacional (CCDN) a prepara un programa tanto protocolar como un manifestacion cultural cu tur e mandatario y invitadonan, cu a luga riba, 24 di januari y 25 di januari ultimo.
Manifestacion Cultural Virtual
Pa locual ta e Manifestacion Cultural a tuma luga den un forma virtual caminda cu comunidad lo por a aprecia esaki via un programa cultural dedica na memoria di Betico Croes. A pasa e programa aki via nos canalnan di television y plataformanan social. E programa tabata un presentacion di musica, poesia, canto y baile. A scoge pa un cantidad limita di artista pa por cumpli cu regla y protocol.
Acto Protocolar
E Acto Protocolario di dia 25 di januari a tuma luga cu un cantidad di invitado hopi limita. Tabata tin presentacion di e coro di mucha bou direccion di Danny Koolman, tambe e discurso di Prome Minister di Aruba, Sra Evelyn Wever – Croes. Durante e Acto Protocolar a mantene tur regla y protocol di DVG y Crisis Team. E invitadonan tabata limita, no a permiti publico y a cera e caminda di Vondellaan y Rumbastraat pa trafico y publico.
Share this page