En conexion cu e celebracion aki, Ministerio di Cultura y Comision Celebracion Dianan Nacional (CCDN) a prepara un programa tanto protocolar como un manifestacion cultural cu tur e mandatario y invitadonan, cu lo tuma luga riba, 24 di januari y 25 di januari venidero.
E Manifestacion Cultural lo ta 24 di januari y lo ta for di 8.00 pm te cu 9:30 pm riba Plaza Libertador Betico Croes riba Vondellaan y e Acto Protocolar dia 25 di januari lo cuminsa for di 9.00 pa 10.05 am.
Manifestacion Cultural Virtual
Pa locual ta e Manifestacion Cultural esaki lo tuma luga den un forma virtual caminda cu comunidad lo por aprecia esaki via un programa cultural dedica na memoria di Betico Croes. Lo e programa aki via nos canalnan di television y plataformanan social. E programa ta un presentacion di musica, canto y baile. A scoge pa un cantidad limita di artista pa por cumpli cu regla y protocol.
Ta invita henter comunidad pa sintonisa e programa cultural aki riba diadomingo 24 di januari iniciando pa 8 or di anochi via nos canalnan di television y otro medionan.
Acto Protocolar
Pa locual ta e Acto Protocolario di dia 25 di januari pa 9 or di mainta mester tuma luga cu un cantidad di invitado hopi limita. Lo tin presentacion di musico cu un duo di mucha, tambe e discurso di Prome Minister di Aruba, Sra Evelyn Wever – Croes. Durante e Acto Protocolar lo mantene tur regla y protocol di DVG y Crisis Team e.o:
- Invitadonan lo ta limita
- No ta permiti publico
- E caminda di Vondellaan y Rumbastraat lo ta cera pa trafico y publico.
Den e documentonan adhunto pa haya mas informacion tocante e celebracion aki;
- Programa manifestacion cultural 24 di januari 2021
- Programa manifestacion protocolar 25 di januari 2021
Share this page