CEA a cuminza bishita cas pa cobra boet

ORANJESTAD – Riba mainta 11 di november 2021, Cuerpo Especial Arubano (CEA)  a cuminsa bishita hende na cas pa cobra boetnan habri.

E intencion di e bishita mainta tempran aki ta pa busca personana cu debe di boet y hiba nan KIA pa nan sinta nan detencion.

Ayera CEA no mester a hiba ningun hende KIA, pasobra e personanan a paga e boetnan

Ministerio Publico ta haci un biaha mas un yamada urgente na e personanan cu debe boet pa paga esaki.

Por paga online via cuenta bancario 4000905 di ArubaBank bao mencion di e parketnummer.

Bo persona por swipe tambe na balie di Ministerio Publico.

No lubida si pa haci un afspraak prome via e website www.omaruba.com. Sin afspraak no por drenta e edificio.

Preguntanan tocante boetnan por manda pa info@omaruba.aw. Por haci uzo tambe di e formulario di contacto riba e website pa haci pregunta.

E accion di cobra boet a start na juli 2021 na aeropuerto, unda a cuminsa para pasaheronan cu debe boet.

Luna pasa a saca e anuncio cu CEA lo cuminsa busca hende cu debe boet na cas y hiba nan KIA pa nan sinta nan dianan.

KIA a prepara algun cel especialmente pa esaki, tanto pa hende homber como pa hende muher.

E accion a bay asina bon cu Ministerio Publico a dicidi pa warda te awor pa start cu e ehecucion.

No laga yega asina leu cu CEA ta para na porta di cas!

Areglonan di pago no ta posibel mas pa personanan cu un condena irevocabel pa boetnan di trafico.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options