Campaña di vacunacion escolar ta continua

Dit item is gearchiveerd op 10-07-2020.

ORANJESTAD - Debi na e pandemia di COVID-19 cu a haci cu mester a cera scolnan, hopi mucha a keda falta un of otro vacuna segun nan edad.

Mirando cu scol a habri bek un paar di simannan prome cu vakantie grandi, Seccion Cuido Salud Hubenil ta probecha di e dianan aki pa duna e muchanan cu a keda falta nan vacuna esaki ainda.

Seccion Cuido Salud Hubenil di Departamento di Salud Publico ta e seccion encarga cu vacunacion di nos muchanan.

Pa medio di e relato di prensa aki nos seccion kier pidi mayornan encarecidamente pa laga nan yiu bin scol riba e dia cu e enfermera di Cuido Salud Hubenil ta na scol. Vacunacion escolar lo tuma lugar entre 8 cu 19 di juni y lo vacuna e muchanan di kleuter y scol basico cu falta vacuna segun e skema di vacunacion di Aruba y mucha muhernan den klas 6 lo wordo vacuna contra Human Papiloma Virus (HPV).

Scol lo informa mayor(nan) si nan yiu falta vacuna y riba cua dia vacunacion lo tuma lugar na scol. Tur e muchanan cu ta haya vacuna, ta e muchanan cu nan mayornan ya a duna autorisacion caba pa esaki

Vacuna escolar

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options