Cambionan den Aduana pa mehora servicio

E duanero lo enfrenta diferente reto cu ta dun’e e oportunidad pa crece den su funcion. Minister di Financia Juan David Irauquin kier combati tur producto ilegal cu ta drenta Aruba pa mehora e entrada di Gobierno.
Cuerpo di Aduana a bira mas independiente, pero awo mester duna contenido na e forma nobo di traha pa garantisa eficiencia den e trabou diario.
Tambe a logra pone fondonan disponibel pa reparacion di e containerscan mobil cu ta sumamente importante pa atende e miles di containernan cu ta pasa den haf di Aruba.
E mandatario ta spera cu pronto lo por implementa e sistema electronico pa procesa informacion den tur departamento di Aduana. E sistema aki Asycuda World lo ta e prome parti fisico di e separacion di Aduana for di Servicio di Impuesto.